കോട്ടയം ജില്ലയിലെ കുട്ടികളുടെ ലൈബ്രറിയിലേക്ക് ഇന്നർ വീൽ ക്ലബ്ബ് 2200 പുസ്തകങ്ങൾ നൽകി ; ഇന്നർവീൽ ക്ലബ്ബ് പ്രസിഡന്റ് തലിത എബ്രഹാമും  സെക്രട്ടറി ദീപ എബ്രഹാമും ലൈബ്രറി ചെയർമാന് പുസ്തകങ്ങൾ കൈമാറി

സ്വന്തം ലേഖകൻ 

കോട്ടയം: നവീകരിച്ച കുട്ടികളുടെ ലൈബ്രറിയിലേക്ക് ഇന്നർവീൽ ക്ലബ്ബ് 2200 പുസ്തകങ്ങൾ നൽകി. കുട്ടികളുടെ ലൈബ്രറി രാഗം ഹാളിൽ നടന്ന ചടങ്ങിൽ ഇന്നർവീൽ ക്ലബ്ബ് പ്രസിഡന്റ് തലിത എബ്രഹാം സെക്രട്ടറി ദീപ എബ്രഹാം എന്നിവർ കുട്ടികളുടെ ലൈബ്രറി ചെയർമാൻ എബ്രഹാം ഇട്ടിച്ചെറിയ എക്സിക്യൂട്ടീവ് ഡയറക്ടർ വി.ജയകുമാർ എന്നിവർക്ക് പുസ്തകങ്ങൾ കൈമാറി.

ലൈബ്രറി മാനേജിംഗ് കമ്മിറ്റി അംഗങ്ങളായ റബേക്ക ബേബി ഐപ്പ് ,ഷാജി വേങ്കടത്ത് . പബ്ലിക് ലൈബ്രറി മാനേജിംഗ് കമ്മിറ്റിയംഗം അഡ്വ.വി.ബി. ബിനു, ഇന്നർ വീൽ സെക്രട്ടറി ദീപ എബ്രഹാം, വിമല എബ്രഹാംഎന്നിവർ പ്രസംഗിച്ചു.