കോട്ടയം ഐഡ ജംഗ്ഷന് സമീപം പാർക്കിംഗ് ഗ്രൗണ്ടിൽ സൂക്ഷിച്ചിരുന്ന കാവാലം സ്വദേശിയുടെ ബൈക്ക് മോഷ്ടിച്ച് കടന്നുകളഞ്ഞ പ്രതികളെ കമ്പത്ത് നിന്നും പൊക്കി കോട്ടയം വെസ്റ്റ് പോലീസ്

കോട്ടയം :  നഗരത്തിൽ നിർത്തിയിട്ട ബൈക്ക് മോഷ്ടിച്ച കേസിൽ രണ്ട് പേരെ അറസ്റ്റ് ചെയ്ത് കോട്ടയം വെസ്റ്റ് പോലീസ്.

കമ്പം സ്വദേശികളായ പുതുപ്പെട്ടി ഇന്ദിരാ നഗറിൽ അശോക് (18), ശുക്രൻ (20),ഇന്ദിരാ എന്നിവരാണ് പിടിയിലായത്.

ജനുവരി 14 – നാണ് ഇവർ കോട്ടയം ഐഡ ജംഗ്ഷന് സമീപം പാർക്കിംഗ് ഗ്രൗണ്ടിൽ സൂക്ഷിച്ചിരുന്ന കാവാലം സ്വദേശി വിഷ്ണുവിന്റെ പൾസർ ബൈക്ക് മോഷ്ടിച്ച് കടന്നു കളഞ്ഞത്.

തുടർന്ന് നൽകിയ പരാതിയിൽ കോട്ടയം വെസ്റ്റ് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിക്കുകയായിരുന്നു. CCTV ദൃശ്യങ്ങളും മറ്റും പരിശോധിച്ച് നടത്തിയ വിശദമായ അന്വേഷണങ്ങൾക്കൊടുവിലാണ് പ്രതികളെ പിടികൂടിയത്.

എസ് ഐ അംഗത്, ജി എസ് ഐ അനിഷ് വിജയൻ, എ എസ് ഐ രാജേഷ്, എസ് സി പി ഒ രഞ്ജിത് എന്നിവർ ഉൾപ്പെട്ട പോലീസ് സംഘമാണ് പ്രതികളെ പിടികൂടിയത്. കോടതിയിൽ ഹാജരാക്കിയ ഇരുവരെയും കോടതി റിമാൻഡ്ചെയ്തു.