തിരുവനന്തപുരം: കനത്ത മഴയെ തുടർന്ന് സംസ്ഥാനത്ത് ദുരിതാശ്വാസ ക്യാമ്പുകൾ പ്രവർത്തനം ആരംഭിച്ചു. സംസ്ഥാനത്ത് 34 ദുരിതാശ്വാസ ക്യാമ്പുകളിലായി 666 കുടുംബങ്ങളെ മാറ്റിപ്പാര്പ്പിച്ചു. ഏറ്റവും കൂടുതല് ക്യാമ്പുകള് കോട്ടയത്താണ്, 11 എണ്ണം. മഴ തുടരുന്നതിനാല് അരുവിക്കര ഡാമിന്റെ ഷട്ടറുകള് കൂടുതല് ഉയര്ത്തും. നിലവില് 150 സെന്റി മീറ്റര് ഉയര്ത്തിയിട്ടുണ്ട്. ഇന്ന് മൂന്ന് മണിക്ക് 50 സെന്റി മീറ്റര് കൂടി ഉയര്ത്തും. പരിസരവാസികള് ജാഗ്രത പുലര്ത്തണമെന്ന് ജില്ലാ കളക്ടര് അറിയിച്ചു.
അടുത്ത അഞ്ച് ദിവസം സംസ്ഥാനത്ത് മഴ തുടരുമെന്നാണ് മുന്നറിയിപ്പ്. കാലവര്ഷത്തിന്റെ ഭാഗമായുള്ള മഴയാണ് ഇപ്പോള് കേരളത്തില് ലഭിക്കുന്നതെന്ന് കാലാവസ്ഥ വിദഗ്ധര് അറിയിച്ചു. കേരളത്തില് കാലവര്ഷം എത്തിയതായി ഔദ്യോഗിക സ്ഥിരീകരണം വന്നിട്ടില്ല.
എന്നാല് ഇപ്പോള് ലഭിക്കുന്ന മഴ കാലവര്ഷത്തിന്റെ ഭാഗമാണെന്നാണ് കാലാവസ്ഥ വിദഗ്ധരുടെ അഭിപ്രായം. കാലവര്ഷം സ്ഥിരീകരിക്കണമെങ്കില് പ്രത്യേക മാനദണ്ഡങ്ങള് പൂര്ത്തിയാകണം. മൂന്നു ദിവസത്തിനകം കാലവര്ഷം കേരളത്തില് എത്തും എന്നാണ് കേന്ദ്ര കാലാവസ്ഥാ വകുപ്പിന്റെ അറിയിപ്പ്.
Whatsapp Group 1 | Whatsapp Group 2 |Telegram Group
കാലവര്ഷക്കാറ്റുകള്ക്കൊപ്പം തെക്കന് തമിഴ്നാട് തീരത്തുള്ള ചക്രവാuതചുഴിയും മഴയ്ക്ക് കാരണമാകുന്നുണ്ട്. ചെറിയ സമയം കൊണ്ട് കൂടുതല് മഴ ലഭിക്കുന്ന പ്രതിഭാസത്തിനാണ് സംസ്ഥാനത്ത് സാധ്യത. മലവെള്ളപ്പാച്ചിലും മിന്നല് പ്രണയങ്ങളും പ്രതീക്ഷിക്കുന്നതിനാല് പൊതുജനങ്ങള് ജാഗ്രത പാലിക്കണമെന്നും കാലാവസ്ഥാ വകുപ്പ് അറിയിച്ചു. തെക്കന് കേരള തീരം, ലക്ഷദ്വീപ് തീരം എന്നിവിടങ്ങളില് മത്സ്യബന്ധനത്തിന് പോകാന് പാടില്ലെന്നാണ് നിര്ദേശമുണ്ട്.
