കോട്ടയം ബസേലിയസ് കോളേജില്‍ എസ്എഫ്‌ഐ കെ.എസ്.യു സംഘര്‍ഷം; സംഘർഷത്തിൽ എസ്എഫ്ഐ പ്രവര്‍ത്തകന്റെ തലയ്ക്കടിച്ച് കെ.എസ്.യു യൂണിറ്റ് പ്രസിഡൻ്റ്; പരിക്കേറ്റ എസ്എഫ്ഐ യൂണിറ്റ് കമ്മറ്റി മെമ്പർ അനന്തഗോപൻ കോട്ടയം ജില്ലാ ജനറല്‍ ആശുപത്രിയില്‍; എസ്എഫ്ഐ പ്രവർത്തകരെ കസ്റ്റഡിയിലെടുത്ത് പൊലീസ്

സ്വന്തം ലേഖിക

കോട്ടയം: കോട്ടയം ബസേലിയസ് കോളേജിൽ എസ്എഫ്‌ഐ കെ.എസ്.യു സംഘര്‍ഷം.

കഴിഞ്ഞ ദിവസം കോളേജിലുണ്ടായ വാക്ക് തര്‍ക്കത്തിൻ്റെ തുടർച്ചയായാണ് എസ്എഫ്‌ഐ കെ.എസ്.യു പ്രവര്‍ത്തകർ തമ്മിലടിച്ചത്. കെ എസ് യു പ്രവര്‍ത്തകരുടെ അക്രമണത്തില്‍ എസ്എഫ്‌ഐ പ്രവര്‍ത്തകന്റെ തലയ്ക്ക് പരിക്കേറ്റു.

കെ എസ് യു യൂണിറ്റ് പ്രസിഡൻ്റ് കെൽവിൻ എസ് എഫ് ഐ യൂണിറ്റ് കമ്മറ്റി മെമ്പർ അനന്തഗോപാനെ താക്കോൽ ഉപയോഗിച്ച് തലയ്ക്ക് അടിക്കുകയായിരുന്നു. ഇയാളെ കോട്ടയം ജില്ലാ ജനറല്‍ ആശുപത്രിയില്‍ പ്രവേശിപ്പിച്ചു.

കോട്ടയം ഈസ്റ്റ് പൊലീസ് സ്ഥലത്തെത്തി എസ്എഫ്ഐ പ്രവർത്തകരെ കസ്റ്റഡിയിലെടുത്തു.