തേർഡ് ഐ ക്രൈം
കോട്ടയം: റോഡരികിൽ പാർക്ക് ചെയ്തിരുന്ന പെട്ടിഓട്ടോറിക്ഷ പുലർച്ചെ മോഷ്ടിച്ച ശേഷം മുങ്ങിയ പ്രതി, പകൽ ഈ ഓട്ടോറിക്ഷയുമായി എത്തിയത് പൊലീസിനു മുന്നിൽ. തിരുവാതുക്കൽ പുത്തനങ്ങാടി ഭാഗത്തു നിന്നും ഓട്ടോറിക്ഷ മോഷ്ടിച്ച ശേഷം രക്ഷപെടാൻ ശ്രമിച്ച പ്രതിയാണ് ഒടുവിൽ പൊലീസിനു മുന്നിൽ കുടുങ്ങിയത്. സംഭവവുമായി ബന്ധപ്പെട്ട് തിരുവാർപ്പ് കൊച്ചുപാലംഭാഗത്ത് അഭിലാഷി(39)നെ വെസ്റ്റ് എസ്.ഐഐ ദിലീപ് കുമാറിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
ചൊവ്വാഴ്ച രാവിലെയായിരുന്നു കേസിനാസ്പദമായ സംഭവം. പുത്തനങ്ങാടിയിലെ റോഡരികിലാണ് പെട്ടി ഓട്ടോറിക്ഷ പാർക്ക് ചെയ്തിരുന്നത്. ഇത്തരത്തിൽ പാർക്ക് ചെയ്തിരുന്ന ഓട്ടോറിക്ഷ വർക്ക്‌ഷോപ്പ് ജീവനക്കാരനായ അഭിലാഷ് എത്തി മോഷ്ടിക്കുകയായിരുന്നു. പെട്ടി ഓട്ടോറിക്ഷയുടെ വയറിങ് കണക്ഷനുകൾ വിടുവിച്ച ശേഷമാണ് പ്രതി മോഷണം നടത്തിയ ശേഷം ഓട്ടോറിക്ഷയുമായി മുങ്ങിയത്.
Whatsapp Group 1 | Whatsapp Group 2 |Telegram Group
തിരുവാതുക്കൽ പുത്തനങ്ങാടി സ്വദേശിയായ മോറിസിന്റെ പെട്ടിഓട്ടോറിക്ഷയാണ് അഭിലാഷ് മോഷ്ടിച്ചത്. സാധാരണ ഈ റോഡരികിൽ തന്നെയാണ് മോറിസ് ഓട്ടോറിക്ഷ പാർക്ക് ചെയ്യുന്നത്. കഴിഞ്ഞ ദിവസം രാത്രിയിലും സമാന രീതിയിൽ ഓട്ടോറിക്ഷ പാർക്ക് ചെയ്യുകയായിരുന്നു. ഈ സമയം ഇതുവഴി എത്തിയ അഭിലാഷ് ഓട്ടോറിക്ഷയുമായി കടക്കുകയായിരുന്നു. രാവിലെ ഓട്ടോറിക്ഷ നോക്കിയെത്തിയപ്പോഴാണ് വാഹനം മോഷണം പോയതായി മോറിസ് അറിയുന്നത്. തുടർന്നു, വിവരം വെസ്റ്റ് പൊലീസിൽ എത്തി, എസ്.ഐ ടു.ശ്രീജിത്തിനു പരാതിയായി നൽകി.
തുടർന്നു പൊലീസ് സംഘം കേസ് അന്വേഷിക്കുന്നതിനിടയിലാണ് ഇല്ലിക്കൽ ഭാഗത്ത് വച്ച് ഇയാൾ പെട്ടി ഓട്ടോറിക്ഷയുമായി പൊലീസിനു മുന്നിലെത്തിയത്. തുടർന്നു പൊലീസ് സംഘം ഇയാളെ പിൻതുടർന്നു സാഹസികമായി പിടികൂടുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
