ശബരിമല തീർത്ഥാടകരുടെ വാഹനം ബൈക്കിൽ ഇടിച്ച് യുവാവ് മരിച്ചു; ഒരാളുടെ നില ഗുരുതരം.

സ്വന്തം ലേഖിക.

കോട്ടയം :എരുമേലി കണ്ണിമലയില്‍ ശബരിമല തീര്‍ഥാടകരുടെ വാഹനമിടിച്ച്‌ ഇരുചക്രവാഹന യാത്രക്കാരനായ യുവാവ് മരിച്ചു.മഞ്ഞളരുവി പാലയ്ക്കല്‍ വര്‍ക്കിച്ചന്‍റെ മകൻ ജെറിൻ (17) ആണ് മരിച്ചത്.

വ്യാഴാഴ്ച വൈകിട്ട് നാലിനാണ് എരുമേലി-മുണ്ടക്കയം റൂട്ടില്‍ കണ്ണിമല എസ് വളവിന് സമീപമായിരുന്നു അപകടം സംഭവിച്ചത്.ജെറിന്‍റെ ഒപ്പം യാത്ര ചെയ്ത വടകരയോലില്‍ തോമസിന്‍റെ മകൻ നോബിളിനെ (17)നു ഗുരുതര പരിക്കുകളോടെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ജെറിനും നോബിളും സ്കൂട്ടറില്‍ മുണ്ടക്കയത്ത് നിന്ന് വീട്ടിലേയ്ക്ക് പോവുന്ന സമയത്ത് തീര്‍ഥാടകര്‍ സഞ്ചരിച്ചിരുന്ന മിനി ബസുമായി കൂട്ടി ഇടിക്കുകയായിരുന്നു.