കോട്ടയത്ത് പൊലീസുകാരന്റെ മൂക്ക് ഇടിച്ചു തകര്‍ത്ത പ്രതി പിടിയില്‍.കോട്ടയം മെഡിക്കല്‍ കോളജ് ആശുപത്രിയില്‍ നിന്നാണ് പ്രതി പിടിയിലായത്.
സ്വന്തം ലേഖകൻ
കോട്ടയം: പൊലീസ് ഉദ്യോഗസ്ഥന്റെ മൂക്ക് ഇടിച്ചു തകര്‍ത്ത പ്രതി പിടിയില്‍. കോട്ടയം മെഡിക്കല്‍ കോളജ് ആശുപത്രിയില്‍ നിന്നാണ് പ്രതി പിടിയിലായത്.
പാമ്പാടി നെടുങ്കുഴി സ്വദേശി സാം സക്കറിയെയാണ് പൊലീസ് അറസ്റ്റ് ചെയ്തത്.
വീട്ടില്‍ അക്രമം നടത്തുന്നുവെന്ന സാമിന്‍റെ ഭാര്യയുടെ പരാതിയുടെ അടിസ്ഥാനത്തില്‍ അന്വേഷിക്കാനെത്തിയ പാമ്ബാടി പൊലീസ് സ്റ്റേഷനിലെ ജിബിനെയാണ് ആക്രമിച്ചത്. പൊലീസ് എത്തുമ്ബോള്‍ സാം ഭാര്യയെ മുറിക്കുള്ളില്‍ പൂട്ടിയിട്ടിരിക്കുകയായിരുന്നു. മുറി തുറക്കാന്‍ ശ്രമിക്കുന്നതിനിടയാണ് സാം ജിബിനെ ആക്രമിച്ചത്.
Whatsapp Group 1 | Whatsapp Group 2 |Telegram Group
പൊലീസ് ഉദ്യോഗസ്ഥനെ ആക്രമിച്ച ശേഷം പ്രതി ഓടി രക്ഷപ്പെടുകയായിരുന്നു. മുറിക്കുള്ളില്‍ പൂട്ടിയിട്ടിരുന്ന ഭാര്യയെ പൊലീസ് മോചിപ്പിച്ചിരുന്നു.
പൊലീസ് മര്‍ദനത്തില്‍ പരുക്കേറ്റെന്നു ചൂണ്ടിക്കാണിച്ച്‌ കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുകയായിരുന്നു സാം സക്കറിയ.
