ലോറിക്കും ബസ്സിനും ഇടയിൽ കുടുങ്ങി ഗുരുതര പരിക്കേറ്റ് ചികിത്സയിലായിരുന്ന ബസ്സ് ഡ്രൈവർ മരിച്ചു

മലപ്പുറം : കോട്ടക്കലിൽ സ്വകാര്യ ബസും ലോറിയും കൂട്ടിയിടിച്ച് ബസ് ഡ്രൈവർക്ക് ദാരുണാന്ത്യം. ചുങ്കത്തറ ഷാജഹാൻ (44) ആണ് മരിച്ചത്.

ബസ്സിന്റെ ഗ്ലാസ് ക്ലീൻ ചെയ്തു പുറകോട്ട് തിരിയുന്നതിനിടെ  എതിരെ വന്ന ലോറിക്കും ബസ്സിനും ഇടയിൽ പെടുകയായിരുന്നു.

ബുധനാഴ്ച രാവിലെ 7:15 ഓടെയായിരുന്നു സംഭവം. കോട്ടക്കൽ സീനത്ത് ടെക്സ്റ്റൈൽസിന് സമീപം നിർത്തിയിട്ട ബസ്സിന്റെ ഫ്രണ്ട് ഗ്ലാസ് ക്ലീൻ ചെയ്യുന്നതിനിടയിലാണ് അപകടം സംഭവിച്ചത്.

ഗുരുതര പരിക്കേറ്റ ഡ്രൈവറെ കോട്ടക്കൽ അൽമാസ് ഹോസ്പിറ്റലിൽ പ്രവേശിപ്പിചെങ്കിലും വെള്ളിയാഴ്ച വൈകുന്നേരത്തോടെ മരണപ്പെടുകയായിരുന്നു.