സ്കൂളിന് സമീപം മദ്യവും ലഹരിയും കച്ചവടം നടത്തിയ മധ്യവയസ്കൻ കോരൂത്തോട്ടിൽ പിടിയില്‍

മുണ്ടക്കയം: കോരുത്തോട് പഞ്ചായത്തിലെ കുഴിമാവ് ഗവ.ഹൈസ്‌കൂളിന് സമീപം കടയില്‍ മദ്യവും ലഹരിവസ്തുക്കളും വില്പന നടത്തിയയാള്‍ പിടിയില്‍.

കുഴിമാവ് പാറക്കല്‍ ബേബിയാണ് (58) മുണ്ടക്കയം പൊലീസ് പിടികൂടിയത്.

സ്‌കൂള്‍ വിദ്യാര്‍ത്ഥികളെ ലക്ഷ്യമിട്ട് മദ്യവും ലഹരി വസ്തുക്കളും വില്‍ക്കുന്നതായി പരാതി ഉയര്‍ന്നിരുന്നു. ഇതിനെ തുടര്‍ന്നാണ് പൊലീസ് പരിശോധന നടത്തിയത്.

ഇയാളുടെ കടയില്‍ നിന്നും 50 പായ്ക്കറ്റ് ഓളം ഹാൻസും രണ്ട് കുപ്പി മദ്യവും പിടികൂടിയിട്ടുണ്ട്.