കൊറോണ വൈറസ് ബാധ : നരേന്ദ്രമോദിയുടെ നിർദേശം പരിഗണിക്കുമെന്ന് പാക്കിസ്ഥാൻ

സ്വന്തം ലേഖകൻ

ഡൽഹി: കൊവിഡ് 19നെതിരെ സംയുക്ത പ്രതിരോധ നീക്കത്തിന് ആഹ്വാനം ചെയ്ത് പ്രധാനമന്ത്രി നരേന്ദ്ര മോദി. സാർക്ക് രാജ്യങ്ങളുടെ യോഗത്തിലാണ് മോദി ഈ നിർദ്ദേശം സമർപ്പിച്ചത്. മോദിയുടെ അഭിപ്രായത്തിനോടു അനുഭാവ പൂർണ്ണമായാണ് പാക്കിസ്ഥാന്റെ പ്രതികരണം.

നരേന്ദ്ര മോദിയുടെ നിർദ്ദേശം പരിഗണിക്കുമെന്ന് പാക് സർക്കാർ വൃത്തങ്ങൾ വ്യക്തമാക്കി. പാക് ദേശീയ സുരക്ഷ കൗൺസിൽ മോദിയുടെ നിർദ്ദേശം ചർച്ച ചെയ്യും. വിഡിയോ കോൺഫറൻസിലൂടെ ആലോചിച്ച് പ്രതിരോധ നടപടികൾ തീരുമാനിക്കാമെന്നും പ്രധാനമന്ത്രി പറഞ്ഞു.

രോഗബാധ ഉയർത്തിയ വെല്ലുവിളിയെ തുടർന്ന് പാർലമെന്റെ സമ്മേളനം വെട്ടിച്ചുരുക്കണമെന്ന് കേന്ദ്രമന്ത്രി ഹർസിമ്രത് കൗർ ബാദൽ ആവശ്യപ്പെട്ടു. തിങ്കളാഴ്ച സഭയിൽ ഹാജരാവാൻ ബിജെപി എംപിമാർക്ക് വിപ്പു നൽകി. ധനാഭ്യർത്ഥനകൾ ഒന്നിച്ചു പാസാക്കാനാണ് സർക്കാരിന്റെ ശ്രമം.