പുതുപ്പള്ളി തെരഞ്ഞെടുപ്പ് പുരോഗമിക്കുന്നതിനിടെ കൂരോപ്പട പോളിങ് സ്റ്റേഷന് മുന്നിൽ എൽഡിഎഫ് യുഡിഎഫ് പ്രവർത്തകർ തമ്മിൽ വാക്കേറ്റം; കോൺഗ്രസ് പ്രവർത്തകർ വോട്ട് പിടിക്കുന്നുവെന്ന് ആരോപണം

സ്വന്തം ലേഖിക

കോട്ടയം: പോളിങ് പുരോഗമിക്കുന്നതിനിടെ കൂരോപ്പട പോളിങ് സ്റ്റേഷനിൽ വാക്കേറ്റം.

എൽഡിഎഫ് യുഡിഎഫ് പ്രവർത്തകർ തമ്മിലാണ് വാക്കേറ്റം നടന്നത്. കോൺഗ്രസ് പ്രവർത്തകർ വോട്ട് പിടിക്കുന്നുവെന്ന് ആരോപിച്ചാണ് വാക്കേറ്റം നടന്നത്

മൂന്നാഴ്ചത്തെ വാശിയേറിയ പ്രചാരണത്തിന് ശേഷമാണ് പുതുപ്പള്ളി ജനവിധി തേടുന്നത്. 90,281 സ്ത്രീകളും 86,132 പുരുഷന്മാരും 4 ട്രാൻസ്ജെൻഡറുകളും അടക്കം മണ്ഡലത്തില്‍ 1,76,417 വോട്ടര്‍മാരാണുള്ളത്.

വോട്ടെടുപ്പ് ഡ്യൂട്ടിക്കായി 872 ഉദ്യോഗസ്ഥരെയാണ് നിയോഗിച്ചിട്ടുള്ളത്. 182 ബൂത്തുകളാണ് മണ്ഡലത്തിലുള്ളത്. 182 പോളിങ് ബൂത്തുകളിലും വെബ്കാസ്റ്റിങ് ഏര്‍പ്പെടുത്തിയിട്ടുണ്ട്. പോളിങ് അവസാനിക്കുന്നതുവരെയുള്ള പോളിങ് ബൂത്തുകളിലെ നടപടികള്‍ കളക്‌ട്രേറ്റിലെ കണ്‍ട്രോള്‍ റൂമിലൂടെ തത്സമയം അറിയാം.