കരിങ്കല്‍ കയറ്റി വന്ന ടിപ്പർ ലോറി മറിഞ്ഞു ; വഴിയാത്രക്കാരന് ദാരുണാന്ത്യം

കൊണ്ടോട്ടി : കൊളത്തൂരില്‍ ടിപ്പർ ലോറി മറിഞ്ഞു വഴിയാത്രക്കാരൻ മരിച്ചു. കരിങ്കല്‍ കയറ്റി വന്ന ലോറി ദേഹത്തേക്ക് മറിയുകയായിരുന്നു.

പള്ളിയില്‍ നമസ്‌കാരം കഴിഞ്ഞു വീട്ടിലേക്കു മടങ്ങുകയായിരുന്ന നീറ്റാണിമ്മല്‍ സ്വദേശി അലവിക്കുട്ടിയാണു മരിച്ചത്.

ഇന്നു രാവിലെ ആറു മണിയോടെയാണ് അപകടം. ദേശീയപാതയില്‍ വിമാനത്താവള ജങ്ഷനിലാണു ലോറി നിയന്ത്രണം വിട്ടു മറിഞ്ഞത്.

ലോറിക്കടിയില്‍ കുടങ്ങിയ അലവിക്കുട്ടിയെ ക്രെയിൻ എത്തിച്ചാണു പുറത്തെടുത്തത്. തത്ക്ഷണം തന്നെ മരിച്ചതായാണു വിവരം. മൃതദേഹം മഞ്ചേരി മെഡിക്കല്‍ കോളജില്‍.