നികുതിവെട്ടിച്ച്‌ കേരളത്തിലേക്ക് സര്‍വീസ്; സ്വകാര്യ ടൂറിസ്റ്റ് ബസ് കൊമ്പന് 1.17 ലക്ഷം രൂപ പിഴ ചുമത്തി എംവിഡി

കൊച്ചി: നികുതി വെട്ടിച്ച്‌ കേരളത്തിലേക്ക് സർവീസ് നടത്തിയ സ്വകാര്യ ടൂറിസ്റ്റ് ബസ് കൊമ്പന് പിഴ ചുമത്തി മോട്ടോർ വാഹനവകുപ്പ്.

1.17 ലക്ഷം രൂപയാണ് മോട്ടോർ വാഹന വകുപ്പ് കൊമ്പന് പിഴയായി ചുമത്തിയത്. കർണാടക രജിസ്ട്രേഷനുള്ള കൊമ്പൻ കേരളത്തില്‍ സർവീസ് നടത്തുമ്പോള്‍ അടയ്‌ക്കേണ്ട നികുതി അടയ്‌ക്കാതെയായിരുന്നു യാത്ര നടത്തിയിരുന്നത്.

ബസില്‍ അനധികൃത ലൈറ്റുകള്‍ ഉപയോഗിച്ചതായും കണ്ടെത്തിയിട്ടുണ്ട്.
മാറാടിയില്‍ വിവാഹവിരുന്നിന്‌ യാത്രക്കാരുമായി എത്തിയപ്പോഴാണ് കൊമ്പൻ എംവിഡിയുടെ പിടിയിലായത്.

അസിസ്റ്റന്റ്‌ മോട്ടോർ വെഹിക്കിള്‍ ഇൻസ്പെക്ടർമാരായ എം വി രതീഷ്, പി ജി രാജേഷ് കുമാർ എന്നിവരുടെ നേതൃത്വത്തില്‍ ബസില്‍ പരിശോധന നടത്തി.