വീണ്ടും വിദ്യാർത്ഥികൾ തമ്മിൽ കയ്യാങ്കളി; കൊല്ലത്ത് പ്ലസ് വൺ വിദ്യാർഥികൾക്ക് പ്ലസ് ടു വിദ്യാർത്ഥികളുടെ ക്രൂര മർദ്ദനം; ബസ്സിൽ നിന്നും ഇറങ്ങി വന്ന വിദ്യാർത്ഥികളെ കൂട്ടത്തോടെയെത്തിയ സംഘം ആക്രമിക്കുകയായിരുന്നു; സംഭവത്തിൽ പോലീസിന് പരാതി നൽകി പരിക്കേറ്റ വിദ്യാർത്ഥികൾ

കൊല്ലം: കൊല്ലം വയലയിൽ പ്ലസ് വൺ വിദ്യാർഥികൾക്ക് പ്ലസ് ടു വിദ്യാർഥികളുടെ ക്രൂര മർദ്ദനം. വയല ഹയർ സെക്കൻഡറി സ്കൂളിലെ വിദ്യാർത്ഥികൾ തമ്മിലായിരുന്നു കയ്യാങ്കളി.

ബസിൽ നിന്നും ഇറങ്ങിയ രണ്ട് പ്ലസ് വൺ വിദ്യാർത്ഥികളെ പ്ലസ് ടു വിദ്യാർത്ഥികൾ കൂട്ടത്തോടെ എത്തി ആക്രമിക്കുകയായിരുന്നു.

സ്കൂളിൽ അടുത്തിടെ നടന്ന തർക്കങ്ങളുടെ തുടർച്ചയായിരുന്നു സ്കൂളിന് പുറത്തെ സംഘർഷം. പരിക്കേറ്റ പ്ലസ് വൺ വിദ്യാർത്ഥി കടയ്ക്കൽ പൊലീസിൽ പരാതി നൽകി.