സ്കൂൾ പരിസരത്ത് തീപിടുത്തം: പാഴ് വസ്‌തുക്കളിൽ നിന്ന് തീ പടർന്നു, അവധി ദിവസമായതിനാൽ വലിയ അപകടം ഒഴിവായി

കൊല്ലം: കൊല്ലം ചിതറ ഗവ എൽപി സ്കൂ‌ൾ പരിസരത്ത് തീപിടിത്തം. സ്‌കൂളിന് സമീപം കൂട്ടിയിട്ടിരുന്ന പാഴ് വസ്‌തുക്കളിൽ തീ പിടിക്കുകയും പടരുകയുമായിരുന്നു. ഇന്ന് ഉച്ചയോടെയായിരുന്നു സംഭവം.

പരിസരവാസികൾ വിവരം അറിയിച്ചതിനെ തുടർന്ന് കടയ്ക്കലിൽനിന്ന് ഫയർഫോഴ്സ് എത്തി തീ നിയന്ത്രണ വിധേയമാക്കി. സ്കൂൾ അവധി ദിവസമായതിനാൽ വലിയൊരു അപകടം ഒഴിവായി.