കൊല്ലത്ത് യുവാവിനെ കുത്തിക്കൊന്ന സംഭവത്തിൽ മൂന്നു പ്രതികൾ പിടിയിൽ; സഹോദരനെയും സുഹൃത്തിനെയും വഴിയിൽ തടഞ്ഞുനിർത്തി ആക്രമിച്ചതിനെ തുടർന്ന് ചോദിക്കാൻ എത്തിയ യുവാവിനെ സംഘത്തിലെ ഒരാൾ കുത്തി കൊലപ്പെടുത്തുകയായിരുന്നു

ഇന്നലെ രാത്രി 10 മണിയോടെയാണ് കൊലപാതകമുണ്ടായത്. നവാസിന്റെ സഹോദരനെയും സുഹൃത്തിനെയും ഒരു സംഘം വഴിയിൽ തടഞ്ഞു നിർത്തി അക്രമിച്ചിരുന്നു. ഇത് ചോദിക്കാനെത്തിയ നവാസും അക്രമി സംഘവും തമ്മിൽ തർക്കം ഉണ്ടായി.

ഇത് കയ്യാങ്കളിയിലേക്ക് എത്തി. അതിനിടെ അക്രമി സംഘത്തിലൊരാൾ നവാസിനെ കത്തിയെടുത്ത് കുത്തുകയായിരുന്നു. ക്രിമിനൽ പശ്ചാത്തലമുളള സംഘമാണ് ആക്രമണം നടത്തിയത്. കൊലപാതകത്തിന്റെ ഞെട്ടിക്കുന്ന സിസിടിവി ദൃശ്യങ്ങളും പുറത്ത് വന്നു.