കൊല്ലം: കൊല്ലത്ത് പൊലീസ് കസ്റ്റഡിയില്‍ നിന്ന് രണ്ട് പ്രതികള്‍ ചാടിപ്പോയി. തിരുവനന്തപുരം പാലോട് പൊലീസ് മോഷണകേസില്‍ കസ്റ്റഡിയില്‍ എടുത്ത സെയ്ദലവി, അയൂബ് ഖാൻ എന്നിവരാണ് ചാടിപ്പോയത്. കൈ വിലങ്ങുമായാണ് ഇവർ രക്ഷപ്പെട്ടത്.
കൊല്ലം കടയ്ക്കലില്‍ ചുണ്ട ചെറുകുളത്തിന് സമീപം എത്തിയപ്പോള്‍ മൂത്രമൊഴിക്കണമെന്ന് ഇവർ ആവശ്യപ്പെട്ടിരുന്നു. ഇതോടെ വാഹനം നിർത്തി പുറത്തിറക്കിയപ്പോള്‍ ഓടി രക്ഷപ്പെടുകയായിരുന്നു. ഇവർക്കായി പൊലീസ് തെരച്ചിൽ ശക്തമാക്കിയിരിക്കുകയാണ്.
