അടിപിടി കേസില്‍ പിടിയിലായ പ്രതികളെ മോചിപ്പിക്കണം; ഗുണ്ടകളും പൊലീസും തമ്മില്‍ സംഘര്‍ഷം; നാല് ഗുണ്ടകളെ കീഴ്‌പ്പെടുത്തി; രണ്ട് പൊലീസുകാര്‍ക്ക് പരിക്ക്

കൊല്ലം: കൊല്ലം ജില്ലയിലെ കേരളാപുരത്തിനടുത്ത് ഗുണ്ടകളും പൊലീസും തമ്മില്‍ ഏറ്റുമുട്ടി.

കേരളപുരത്തിനടുത്ത് പൂജപ്പുര സൊസൈറ്റി ജങ്ഷനില്‍ ഇന്നലെ രാത്രിയാണ് സംഭവം നടന്നത്. അടിപിടി കേസില്‍ പിടിയിലായ പ്രതികളെ മോചിപ്പിക്കാനാണ് ഗുണ്ടകള്‍ പോലീസിനെ ആക്രമിച്ചത്.

ഗുണ്ടാ സംഘം സ്ഥലത്ത് ഭീകരാന്തരീക്ഷം സൃഷ്ടിച്ചു. സംഘത്തിലെ നാലുപേരെ ബല പ്രയോഗത്തിലൂടെ പൊലീസ് കീഴടക്കി.

സനേഷ്, അഭിലാഷ്, ചന്തു, അനൂപ് എന്നിവരാണ് പിടിയിലായത്. കുണ്ടറ പൊലീസ് സ്റ്റേഷനിലെ രണ്ടു പൊലീസുകാർക്ക് സംഘര്‍ഷത്തില്‍ പരിക്കേറ്റു.