സ്വകാര്യ ബസ്സും ബൈക്കും കൂട്ടിയിടിച്ച് അപകടം: റോഡിലേക്ക് തെറിച്ച് വീണ മധ്യവയസ്കന്റെ ശരീരത്തിലൂടെ ടിപ്പർ കയറിയിറങ്ങി ദാരുണാന്ത്യം  

കൊല്ലം: കടയ്ക്കലിൽ ബസ് തട്ടി ബൈക്ക് യാത്രികന് ദാരുണാന്ത്യം. കല്ലുതേരി സ്വദേശി സക്കീർ ഹുസൈൻ (50) ബസ് തട്ടി റോഡിൽ വീഴുകയും മുകളിലൂടെ ടിപ്പർ കയറിയിറങ്ങുകയായിരുന്നു. ബുധനാഴ്ച രാവിലെ ഏഴ് മണിയോടെയായിരുന്നു അപകടം.

സക്കീർ ഹുസൈൻ സഞ്ചരിച്ച ബൈക്കിന് പിന്നിൽ സ്വകാര്യ ബസ് ഇടിക്കുകയും തുടർന്ന് നിയന്ത്രണം നഷ്ടപ്പെട്ട് സക്കീർ ഹുസൈൻ ടിപ്പറിന് അടിയിലേക്ക് വീഴുകയായിരുന്നു.