കൊല്ലം : അച്ചന്കോവില് ചെമ്പനരുവിയിൽ ദമ്പതികളെ വീട്ടില് തീപ്പൊള്ളലേറ്റ നിലയില് കണ്ടെത്തി. ഭാര്യ ശ്രീതുവിനെ പെട്രോള് ഒഴിച്ച് തീകൊളുത്തി കൊലപ്പെടുത്താന് ശ്രമിക്കുന്നതിനിടെ ഭര്ത്താവ് ഷെഫീഖിനും പൊള്ളലേറ്റെന്നാണ് പ്രാഥമിക നിഗമനം.ഇരുവരും തമ്മില് കുടുംബ പ്രശ്നങ്ങള് ഉണ്ടായിരുന്നുവെന്നാണ് ബന്ധുക്കള് പറയുന്നത്.
നാട്ടുകാര് നല്കിയ വിവരത്തിന്റെ അടിസ്ഥാനത്തില് അച്ചന്കോവില് പൊലീസ് വീട്ടില് എത്തുമ്പോൾ മുറിയില് ഗുരുതരമായി പൊള്ളലേറ്റ നിലയിലാണ് ശ്രീതുവിനെയും ഭര്ത്താവ് ഷെഫീഖിനെയും കണ്ടെത്തിയത്. ഉടന് പൊലീസ് ജീപ്പില് പുനലൂര് താലൂക്ക് ആശുപത്രിയില് എത്തിച്ചു. തുടര്ന്ന് തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റി.
കുറച്ച് ദിവസങ്ങൾക്ക് മുൻപ് ഷഫീക്കും ശ്രീതുവും തമ്മിൽ വാക്കു തർക്കം ഉണ്ടാവുകയും ശ്രീതുവിന്റെ പരാതി പ്രകാരം പൊലീസ് ഫെഫീഖിനെ വിളിപ്പിച്ച് കാര്യങ്ങള് അന്വേഷിക്കുകയും ചെയ്തിരുന്നു. ഇനി പ്രശ്നമുണ്ടാകില്ലെന്ന ഉറപ്പിലാണ് ഇരുവരും സ്റ്റേഷനില് നിന്നും മടങ്ങിയതെന്നും ബന്ധുക്കള് പറയുന്നു.
Whatsapp Group 1 | Whatsapp Group 2 |Telegram Group
പൊള്ളലേറ്റതില് അച്ചന്കോവില് പൊലീസ് കേസെടുത്ത് അന്വേഷണം തുടങ്ങി. ഇരുവരുടെയും മൊഴിയെടുത്ത ശേഷമെ സംഭവത്തില് വ്യക്തത വരൂ എന്നും പൊലീസ് വ്യക്തമാക്കി.
