കോടിമതയിൽ നാലുവരിപ്പാതയിൽ നടുറോഡിൽ കൂട്ടയടി: ബാറ്ററി മോഷണത്തെച്ചൊല്ലി മൂന്നംഗ സംഘം ഡ്രൈവറുമായി ഏറ്റുമുട്ടുന്ന വീഡിയോ തേർഡ് ഐ ന്യൂസ് ലൈവിന്; ഗുണ്ടാ ആക്രമണത്തിന്റെ ദൃശ്യങ്ങൾ തേർഡ് ഐ ലൈവിൽ കാണാം
തേർഡ് ഐ ബ്യൂറോ
കോട്ടയം: കോടിമത നാലുവരിപ്പാതയിൽ ലോറി ഡ്രൈവറുടെ തല അടിച്ചു പൊട്ടിച്ച അക്രമി സംഘത്തിന്റെ വീഡിയോ ദൃശ്യങ്ങൾ തേർഡ് ഐ ന്യൂസ് ലൈവിന്. നടുറോഡിൽ ഗുണ്ടാ സംഘവും ഡ്രൈവറുമായി ഏറ്റുമുട്ടുന്ന വീഡിയോ ദൃശ്യങ്ങളാണ് തേർഡ് ഐ ബ്യൂറോയ്ക്കു ലഭിച്ചിരിക്കുന്നത്. ആക്രമണത്തിൽ പരിക്കേറ്റ ലോറി ഡ്രൈവർ പുനലൂർ ഒറ്റയ്ക്കൽ മാങ്കോളത്ത് ഹൗസിൽ രാജന്റെ മകൻ രാജേഷിനെ(35)മൂന്നംഗ സംഘം നടുറോഡിൽ ആക്രമിച്ചു വീഴ്ത്തുന്ന ദൃശ്യങ്ങളാണ് ഇപ്പോൾ തേർഡ് ഐ ന്യൂസ് ലൈവിനു ലഭിച്ചിരിക്കുന്നത്.
നിറയെ വാഹനങ്ങൾ കടന്നു പോകുന്ന കോടിമത നാലുവരിപ്പാതയിൽ റോഡിനു നടുവിൽ ഇട്ടു ലോറി ഡ്രൈവറായ യുവാവിനെ അടിച്ചു വീഴ്ത്തുന്നതും, തല അടിച്ചുപൊട്ടിക്കുന്നതും വീഡിയോ ദൃശ്യങ്ങളിൽ വ്യക്തമായി കാണാം. നിരവധി വാഹനങ്ങൾ കടന്നു പോകുന്ന റോഡിനു നടുവിലാണ് ഇത്തരത്തിൽ അക്രമി സംഘം അഴിഞ്ഞാടുന്നത്.
Whatsapp Group 1 | Whatsapp Group 2 |Telegram Group
ഓട്ടോറിക്ഷയിൽ നിന്നും കമ്പിവടിയുമായി പുറത്തിറങ്ങുന്ന അക്രമി സംഘം , യുവാവിനെ നടുറോഡിൽ അടിച്ചു വീഴ്ത്തുന്നത് വീഡിയോയിൽ കാണാം.
അക്രമി സംഘത്തിൽ ഒരാൾ ഓട്ടോറിക്ഷയ്ക്കുള്ളിൽ നിന്നും പുറത്തെടുത്ത കമ്പിവടി ഉപയോഗിച്ച് ലോറി ഡ്രൈവറായ രാജേഷിന്റെ തലയ്ക്ക് അടിയ്ക്കുന്നു. ഇതിനു ശേഷം രാജേഷിനെ മറ്റൊരാൾ ഉയർന്നു ചാടി ചവിട്ടുന്നു. ചവിട്ടേറ്റ് റോഡിൽ വീണ ഇയാളെ ഗുണ്ടാ സംഘം നിലത്തിട്ട് ആക്രമിക്കുന്നതും വീഡിയോയിൽ വ്യക്തമായി കാണാം. അക്രമി സംഘത്തിന്റെ അഴിഞ്ഞാട്ടം കണ്ട് നാട്ടുകാർ മൊബൈലിൽ വീഡിയോ പകർത്തുകയും കണ്ടു നിൽക്കുകയുമാണ്.
റോഡിലൂടെ കടന്നു വരുന്ന വാഹനങ്ങളെ ഒന്നും ഗൗനിക്കാതെയായിരുന്നു ഗുണ്ടാ സംഘത്തിന്റെ അഴിഞ്ഞാട്ടം. സാമൂഹ്യ വിരുദ്ധ അക്രമി സംഘം നടത്തിയ അക്രമണത്തിൽ മൃതപ്രായനായ യുവാവിനെ റോഡിൽ ഉപേക്ഷിച്ച് സംഘം രക്ഷപെടുന്നതും വീഡിയോയിൽ വ്യക്തമാണ്.
വീഡിയോ ഇവിടെ കാണാം
