ഓടുന്ന ബസ്സിൽ അരും കൊല: കൊച്ചി നഗരത്തിൽ കണ്ടക്ടറെ കുത്തി കൊന്നു: സംഭവം ഇന്നുച്ചയ്ക്ക്

സ്വന്തം ലേഖകൻ
കൊച്ചി:നഗരത്തിൽ ഓടുന്ന ബസ്സിൽ കണ്ടക്ടറെ കുത്തിക്കൊന്നു. ഇന്ന് ഉച്ചയ്ക്കാണ് നഗരത്തെ നടുക്കിയ കൊലപാതകം നടന്നത് .

കണ്ടക്ടർ ഇ.ടുക്കി സ്വദേശി അനീഷ് (32) ആണ് കൊല്ലപ്പെട്ടത് .
കളമശ്ശേരി എച്ച്എംടി ജംഗ്ഷനിൽ സ്റ്റോപ്പിൽ നിർത്തിയ ഉടനെ അക്രമി ചാടിക്കയറി കണ്ടക്ടറെ കുത്തിക്കൊല്ലുകയായിരുന്നു

യാത്രക്കാർ നോക്കിനിൽക്കെയായിരുന്നു ഈ അരും കൊല. കണ്ടക്ടറുടെ മൃതദേഹം കളമശേരി മെഡിക്കൽ കോളജ് മോർച്ചറിയിലേക്ക് മാറ്റി.

അസ്ത്ര ബസിലെ കണ്ടക്ടറാണ് കൊല്ലപ്പെട്ട അനീഷ്. കൊലപാതകത്തിന്റെ കാരണം വ്യക്തമല്ല. പോലീസ് പ്രതിക്കായി തെരച്ചിൽ ആരംഭിച്ചു.

സിസിടിവി ദൃശ്യങ്ങൾ ശേഖരിക്കുന്നു. ബസ് ജീവനക്കാരിൽ നിന്ന് വിവരങ്ങൾ ശേഖരിച്ചു വരികയാണ്.