കൊച്ചിയിൽ വിദ്യാര്‍ത്ഥി ഫ്ലാറ്റില്‍ നിന്ന് വീണുമരിച്ചു

സ്വന്തം ലേഖിക

കൊച്ചി: തേവരയില്‍ വിദ്യാര്‍ത്ഥി ഫ്ലാറ്റില്‍ നിന്ന് വീണുമരിച്ചു.

ഇന്നലെ രാത്രി പതിനൊന്ന് മണിയോടെ തേവര ഫെറിക്കടുത്തുള്ള ഫ്ലാറ്റിലാണ് സംഭവം.
നേവി ഉദ്യോഗസ്ഥനായ സിറില്‍ തോമസിന്റെ മകന്‍ നീല്‍ ജോസ് ജോര്‍ജ് (17) ആണ് മരിച്ചത്.

ഫ്ലാറ്റിലെ മുകളിലെ നിലയില്‍ നിന്ന് വീണ് തലയ്ക്ക് ഗുരുതര പരിക്കേറ്റ വിദ്യാര്‍ത്ഥിയെ മാതാപിതാക്കളും സഹോദരനും ചേര്‍ന്ന് ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല. തുടര്‍ന്ന് വിവരം പൊലീസിനെ അറിയിച്ചു.

മൃതദേഹം ആശുപത്രിയില്‍ സൂക്ഷിച്ചിരിക്കുകയാണ്. പൊലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു.