കൊച്ചി : ട്രെയിനില്‍ സ്കൂള്‍ കുട്ടികള്‍ക്ക് നേരെ ലൈംഗിക അതിക്രമമെന്ന് പരാതി. ഇതര സംസ്ഥാന സ്വദേശിയെ ആർപിഎഫ് കസ്റ്റഡിയിലെടുത്തു.
ബംഗ്ലൂരില്‍ നിന്ന് കൊച്ചിയിലേക്ക് വിനോദസഞ്ചാരത്തിന് എത്തിയ സ്കൂള്‍ കുട്ടികള്‍ക്ക് നേരെയാണ് അതിക്രമം ഉണ്ടായത്. സ്ലീപ്പർ കോച്ചില്‍ നഗ്നനായി സ്കൂള്‍ കുട്ടികളുടെ അടുത്ത് കിടന്നുവെന്നും കുട്ടികളുടെ സ്വകാര്യ ഭാഗങ്ങളില്‍ സ്പർശിക്കാൻ ശ്രമിച്ചുവെന്നുമാണ് പരാതി.
സംഭവം നടക്കുമ്പോൾ കോച്ചിനുള്ളില്‍ പോലീസ്-ആർ പി എഫ് ഉദ്യോഗസ്ഥർ ആരുമുണ്ടായിരുന്നില്ല. തൃശൂരില്‍ നിന്നാണ് പ്രതി ട്രെയിനില്‍ കയറിയത്. കുട്ടികള്‍ക്കൊപ്പം ഉണ്ടായിരുന്ന അധ്യാപകൻ പരാതി നല്‍കിയതിനെത്തുടർന്ന് കേസ് രജിസ്റ്റർ ചെയ്തു. ഇയാള്‍ പൂർണ്ണ നഗ്നനായിട്ട് പെണ്‍കുട്ടികളുടെ ബർത്തില്‍ ചെല്ലുകയും അവരുടെ അടുത്ത് കിടക്കുകയും ഇവരെ സ്പർശിക്കുവാനുള്ള ശ്രമം നടത്തുകയും ചെയ്തു. തുടർന്ന് അധ്യാപകർ ചോദ്യം ചെയ്തപ്പോള്‍ പ്രതി ഇവിടെ നിന്ന് മാറി തൊട്ടടുത്തുള്ള മറ്റു കുട്ടികളുടെ ബർത്തിലേക്ക് എത്തുകയും ഈ ഒരു കാര്യം തന്നെ ആവർത്തിക്കുകയുമായിരുന്നു.
Whatsapp Group 1 | Whatsapp Group 2 |Telegram Group
തുടർന്ന് കോച്ചിലുണ്ടായിരുന്ന മറ്റുള്ളവരെല്ലാം വിഷയത്തില്‍ ഇടപെടുകയും ഇയാളെ തടഞ്ഞു വെക്കുകയുമായിരുന്നു. തുടർന്ന് ആർപിഎഫിനെ വിവരം അറിയിക്കുകയായിരുന്നു. കോച്ചില്‍ ആർപിഎഫ് ഉദ്യോഗസ്ഥരില്ലയെന്ന പരാതിയും യാത്രക്കാർ പറയുന്നു. ട്രെയിൻ ആലുവയില്‍ എത്തിയപ്പോഴാണ് ആർപിഎഫിന്റെ ഉദ്യോഗസ്ഥർ എത്തിയത്. തുടർന്ന് പ്രതിയെ കസ്റ്റഡിയില്‍ എടുക്കുകയായിരുന്നു..
