കൊച്ചിയിൽ കാറില്‍ വില്‍ക്കാന്‍ കൊണ്ടുവന്ന ഒരു കിലോ കഞ്ചാവുമായി ഒരാള്‍ പിടിയില്‍; പെണ്‍കുട്ടികളെ ലക്ഷ്യമാക്കി മാരക മയക്കുമരുന്ന് വില്‍പ്പന നടത്തുന്ന സംഘത്തിലെ പ്രധാന കണ്ണിയാണ് പിടിയിലായതെന്ന് സൂചന

സ്വന്തം ലേഖകൻ

കൊച്ചി: അത്താണിയില്‍ കാറില്‍ വില്‍ക്കാന്‍ കൊണ്ടുവന്ന ഒരു കിലോ കഞ്ചാവുമായി ഒരാള്‍ പിടിയില്‍. കോതമംഗലം ഓടക്കാലി സ്വദേശി എ എ റിഷാദാണ് പിടിയിലായത്.

പെണ്‍കുട്ടികളെ ലക്ഷ്യമാക്കി മാരക മയക്കുമരുന്ന് വില്‍പ്പന നടത്തുന്ന സംഘത്തിലെ പ്രധാന കണ്ണിയാണ് ഇയാള്‍.കൊച്ചി കസ്റ്റംസ് പ്രിവന്റീവ് വിഭാഗവും നെടുമ്പാശ്ശേരി പൊലീസും ചേര്‍ന്ന് നടത്തിയ ലഹരിവിരുദ്ധ മിന്നല്‍ പരിശോധനയിലാണ് റിഷാദ് പിടിയിലാകുന്നത്.

നെടുമ്പാശ്ശേരി അത്താണി, പെരുമ്പാവൂര്‍ പ്രദേശങ്ങള്‍ കേന്ദ്രീകരിച്ച് മാരകമായ മയക്കുമരുന്ന് വില്‍പ്പന നടത്തുന്ന സംഘത്തിലെ പ്രധാന കണ്ണിയാണ് പ്രതിയെന്ന് എക്‌സൈസ് അധികൃതര്‍ പറഞ്ഞു.ഇയാളുടെ ഇടപാടുകാരില്‍ കൂടുതലും പെണ്‍കുട്ടികളാണെന്നാണ് വിവരം. എംഡിഎംഎയും എല്‍എസ്ഡിയും ഇയാള്‍ വ്യാപകമായി വില്‍പ്പന നടത്തിയിരുന്നതായും സൂചനയുണ്ട്.