ആമസോണിന്റെ കൊച്ചിയിലെ ഗോഡൗണില്‍ വന്‍ റെയ്ഡ്; പിടിച്ചെടുത്തത് വ്യാജ ഐ.എസ്.ഐ ലേബല്‍ പതിപ്പിച്ച വ്യാജ ഉത്പന്നങ്ങള്‍; പ്രതികൾക്കെതിരെ കടുത്ത നടപടി
കൊച്ചി: ഇ കൊമേഴ്‌സ് രംഗത്തെ വമ്പന്മാരായ ആമസോണിന്റെ കൊച്ചിയിലെ ഗോഡൗണില്‍ നടത്തിയ പരിശോധനയില്‍ വ്യാജ ഉത്പന്നങ്ങള്‍ കണ്ടെത്തി.
കളമശേരിയിലുള്ള ഗോഡൗണിലാണ് ബ്യൂറോ ഓഫ് ഇന്ത്യന്‍ സ്റ്റാന്‍ഡേഡ്‌സ് (ബി.ഐ.എസ്) കൊച്ചി ബ്രാഞ്ച് പരിശോധന നടത്തിയത്.
നിരവധി ദേശീയ, അന്തര്‍ദേശീയ ബ്രാന്‍ഡുകളുടെ പേരില്‍ നിര്‍മിച്ച വ്യാജ ഇലക്ട്രോണിക്, ഇലക്‌ട്രിക്കല്‍ ഉപകരണങ്ങള്‍, കളിപ്പാട്ടങ്ങള്‍, പാദരക്ഷകള്‍ തുടങ്ങി നിരവധി ഉത്പന്നങ്ങള്‍ പിടിച്ചെടുത്തു. ഇവയെല്ലാം ഗുണമേന്മ കുറഞ്ഞ വ്യാജ ഉത്പന്നങ്ങളാണെന്നാണ് ഉദ്യോഗസ്ഥര്‍ നല്കുന്ന സൂചന.
Whatsapp Group 1 | Whatsapp Group 2 |Telegram Group
ഐ.എസ്.ഐ ലേബല്‍ വ്യാജമായി ഒട്ടിച്ചതും നിയമപ്രകാരമുള്ള സ്റ്റിക്കറുകള്‍ പതിപ്പിക്കാത്തതുമായ ഉത്പന്നങ്ങള്‍ പിടിച്ചെടുത്തതില്‍ പെടുന്നുണ്ട്. ഉത്പന്നങ്ങളില്‍ ഒട്ടിച്ച ലേബലുകള്‍ പലതും പൊളിഞ്ഞു പോയ രീതിയിലായിരുന്നു.
കുറ്റക്കാര്‍ക്കെതിരെ പ്രോസിക്യൂഷന്‍ നടപടികള്‍ ആരംഭിക്കും. 2 വര്‍ഷം വരെ തടവും നിലവാരമില്ലാത്ത ഉല്‍പന്നങ്ങളുടെ വില്‍പനയിലൂടെ നേടിയ തുകയുടെ 10 മടങ്ങ് പിഴയും ഇടാക്കാവുന്ന കുറ്റമാണു പ്രതികള്‍ക്കെതിരെ ചുമത്തുക.
