ഇന്ന് വൈകിട്ട് ചായക്ക് ഒരു നാടൻ പലഹാരം തയ്യാറാക്കിയാലോ? നല്ല കിടിലൻ രുചിയില്‍ തയ്യാറാക്കാവുന്ന കിണ്ണത്തപ്പം റെസിപ്പി ഇതാ
കോട്ടയം: നാടൻ പലഹാരം തയ്യാറാക്കിയാലോ? കുട്ടികള്‍ക്കും മുതിർന്നവർക്കുമെല്ലാം ഇഷ്ടമാകുന്ന ഒരു റെസിപ്പി. കിടിലൻ രുചിയില്‍ തയ്യാറാക്കാവുന്ന കിണ്ണത്തപ്പം റെസിപ്പി നോക്കാം.
ആവശ്യമായ ചേരുവകള്‍
വെള്ളം- 1/2 കപ്പ്
ശർക്കര- 250 ഗ്രാം
ഗോതമ്ബ്പൊടി- 1 1/2 കപ്പ്
പാല്‍- 1/2 ലിറ്റർ
ഏലയ്ക്കപ്പൊടി- 1 ടീസ്പൂണ്‍
നെയ്യ്- 1 ടീസ്പൂണ്‍
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
അടി കട്ടിയുള്ള ഒരു പാത്രത്തില്‍ അര കപ്പ് വെള്ളം ഒഴിക്കാം. അതിലേയ്ക്ക് 250 ഗ്രാം ശർക്കര പൊടിച്ചു ചേർക്കാം. വെള്ളം വറ്റി ശർക്കര അലിഞ്ഞു വരുമ്ബോള്‍ അടുപ്പണച്ച്‌ തണുക്കാൻ മാറ്റി വയ്ക്കാം. മറ്റൊരു പാത്രത്തില്‍ ഗോതമ്ബ് പൊടിയെടുത്ത് അതിലേയ്ക്ക് തിളപ്പിച്ച പശുവിൻ പാലും ശർക്കര പാനിയും ചേർത്തിളക്കി യോജിപ്പിക്കാം. ഇതിലേയ്ക്ക് ഏലയ്ക്ക പൊടിച്ചതും, നെയ്യും ചേർത്ത് ഇളക്കാം. ഇത് അല്‍പ സമയം മാറ്റി വയ്ക്കാം. ഇഡ്ഡലി തട്ടില്‍ നെയ്യ് പുരട്ടി അതിലേയ്ക്ക് മാവ് ഒഴിക്കാം. ഇത് അടച്ചു വച്ച്‌ ആവിയില്‍ വേവിക്കാം. കട്ടിയായതിനു ശേഷം തുറന്ന് ചൂടോടെ കഴിച്ചു നോക്കൂ.
