കോട്ടയം കിളിരൂർ കുന്നുംപുറം ദേവീക്ഷേത്ര മൈതാനിയിൽ മദ്യപന്മാരുടെ ശല്യം: ക്ഷേത്ര ഉപദേശക സമിതി പോലീസിൽ പരാതി നൽകി: തെരുവ് വിളക്കില്ലാത്തതിനാൽ അനാശാസ്യ പ്രവർത്തനവും നടക്കുന്നു.

തിരുവാർപ്പ്: കിളിരൂർ കുന്നുംപുറം ദേവീക്ഷേത്ര മൈതാനിയിൽ മദ്യപന്മാരുടെ ശല്യം കുടുന്നതായി പരാതി.

പകലും രാത്രിയും വാഹനങ്ങളിൽ എത്തുന്ന യുവാക്കളുടെ സംഘങ്ങളാണ് ക്ഷേത്ര മൈതാനത്തെ ലഹരി ഉപയോഗ കേന്ദ്രമാക്കി മാറ്റുന്നതെന്നാണ് പരാതി.

വഴിവിളക്കുകൾ സാമൂഹ്യവിരുദ്ധർ നശിപ്പിച്ചതാേടെ ഈ പ്രദേശത്ത് രാത്രിയിൽ വെളിച്ചമില്ല. പോലീസ് പട്രോളിംഗും ഇല്ല. ക്ഷേത്ര മൈതാനത്ത് മാത്രമല്ല വാട്ടർ ടാങ്കിന് സമീപവും യുവതി യുവാക്കൾ സംഗമിക്കുന്നതായി ആക്ഷേപമുണ്ട്.

സംഭവത്തിൽ കിളിരൂർകുന്ന് ദേവി ക്ഷേത്ര ഉപദേശക സമിതി കുമരകം പോലീസിൽ പരാതി നൽകി. വഴി വിളക്കുകൾ തെളിയിച്ചും പോലീസ് പെട്രോളിംഗ് കർശനമാക്കിയും ഈ

പ്രദേശത്തെ ലഹരി മാഫിയയുടെ കയ്യിൽ നിന്നും മുക്തമാക്കണമെന്ന പ്രദേശവാസികളുടെ ആവശ്യത്തെ തുടർന്നാണ് ക്ഷേത്ര ഉപദേശക സമിതി പോലീസിൽ പരാതി നൽകിയതെന്ന് പ്രസിഡന്റ്‌ ശ്രീനാഥ് അറിയിച്ചു.