കാറും ബൈക്കും കൂട്ടിയിടിച്ച് അപകടം ; യുവാക്കൾക്ക് പരുക്ക്

സ്വന്തം ലേഖിക

കിളിമാനൂർ: ദേശീയ പാതയിൽ പൊരുന്തമണിൽ കാറും ബൈക്കും കൂട്ടിയിടിച്ചുണ്ടായ അപകടത്തിൽ രണ്ട് യുവാക്കൾക്ക് ഗുരുതരമായി പരുക്കേറ്റു . കിളിമാനൂർ ഊമൺപള്ളിക്കര രോഹിണിയിൽ ജോസിന്റെ മകൻ മഹിദേവ് (19), കിളിമാനൂർ, പുതിയകാവ് ദേവിശ്രീയിൽ രാജുവിന്റെ മകൻ ജിതിൻ (19) എന്നിവർക്കാണ് പരുക്കേറ്റത് .

സൈനിക റിക്രൂട്ട്‌മെന്റിൽ പങ്കെടുക്കുന്നതിനുള്ള പരിശീലനത്തിനായി വെഞ്ഞാറമൂട്ടിലേക്ക് പോകുകയായിരുന്നു യുവാക്കൾ . ഇവർ സഞ്ചരിച്ച ബൈക്ക് എതിരേവന്ന കാറുമായി കൂട്ടിയിടിക്കുകയായിരുന്നു . പരുക്കേറ്റവരെ ഉടൻതന്നെ വെഞ്ഞാറമൂട് സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.