തിരുവനന്തപുരം: കേരളത്തിന്റെ സ്വന്തം ഇന്റര്നെറ്റ് കണക്ഷനായ കെഫോണ് പുതിയ ചുവടുവെപ്പുമായി എത്തുന്നു.
നിലവില് നല്കുന്ന ഇന്റര്നെറ്റ് സേവനത്തിനൊപ്പം വാല്യൂ ആഡഡ് സര്വീസുകള് കൂടി നല്കി വിപുലീകരിക്കാനാണ് പദ്ധതി.
ദക്ഷിണേന്ത്യന് ടിവി ചാനലുകളും സിനിമകളും ഉള്പ്പെടുത്തുന്ന ഒടിടി പ്ലാറ്റ്ഫോം സേവനങ്ങള് ഏപ്രിലോടെ തുടങ്ങാനാണ് പുതിയ പ്ലാൻ.
ഒ ടി ടിയുമായി ബന്ധപ്പെട്ട ടെന്ഡര് നടപടികള് ഉടന് ആരംഭിക്കാനാണ് ഒരുങ്ങുന്നത്. ഒപ്പം ഐപിടിവി, സിം തുടങ്ങിയവയാണ് കെഫോണിന്റെ അടുത്ത ഘട്ട നടപടികള്. വരും മാസങ്ങളില്ത്തന്നെ അവ പൂര്ത്തിയാക്കാനാണ് ലക്ഷ്യമിടുന്നത്.
Whatsapp Group 1 | Whatsapp Group 2 |Telegram Group
സംസ്ഥാനത്തിന് പുറത്ത് ഇന്റര്നെറ്റ് നല്കുന്നതിനായുള്ള ലൈസന്സിനുള്ള കെഫോണിന്റെ ശ്രമങ്ങളും തുടരുകയാണ്. സാധാരണക്കാര്ക്ക് താങ്ങാവുന്ന നിരക്കില് സേവനങ്ങള് നല്കാനുള്ള പദ്ധതിയാണിത്.
സാധാരണക്കാര്ക്കും സാമ്പത്തികമായി പിന്നാക്കം നില്ക്കുന്ന കുടുംബങ്ങള്ക്കും ഏറ്റവും കുറഞ്ഞ ചെലവില് മികച്ച ഇന്റര്നെറ്റ് ഒരുക്കാന് ലക്ഷ്യമിട്ട് സംസ്ഥാന സര്ക്കാര് നടപ്പിലാക്കിയ പദ്ധതിയാണ് കെഫോണ്. കൂടുതല് ഉപഭോക്താക്കളെ ലക്ഷ്യമിട്ട് മറ്റ് ഇന്റര്നെറ്റ് സര്വീസ് പ്രൊവൈഡര്മാരോടു കിടപിടിക്കുന്ന സേവനം നല്കാനാണ് കെഫോണിന്റെ ലക്ഷ്യം.
