സംസ്ഥാന യുവജനക്ഷേമ ബോർഡും എലിക്കുളം ഗ്രാമ പഞ്ചായത്തും സംയുക്തമായി നടത്തിയ കേരോളോത്സവത്തിൽ വിജയികളായവർക്ക് സമ്മാനദാനം നടത്തി

സ്വന്തം ലേഖകൻ

എലിക്കുളം: സംസ്ഥാന യുവജനക്ഷേമ ബോർഡും ,എലിക്കുളം ഗ്രാമ പഞ്ചായത്തും സംയുക്തമായി നടത്തിയ കേരോളോത്സവത്തിൽ വിജയികളായവർക്ക് സമ്മാനദാനം നടത്തി.പഞ്ചായത്ത് കോൺഫറസ് ഹാളിൽ നടന്ന ചടങ്ങിൽ എം ജി യൂണിവേഴ്സിറ്റി യു 3 എ മെന്റർ ഡോ:തോമസ്.സി.എബ്രഹാം സമ്മാനവിതരണം നിർവ്വഹിച്ചു.

പഞ്ചായത്ത് പ്രസിഡന്റ് എസ്. ഷാജിഅധ്യക്ഷത വഹിച്ചു.സ്ഥിരം സമിതി അധ്യക്ഷന്മാരായ സൂര്യമോൾ ,അഖിൽ അപ്പുക്കുട്ടൻ,പഞ്ചായത്തംഗം മാത്യൂസ് പെരുമനങ്ങാട് എന്നിവർ സംസാരിച്ചു.ക്യാഷ് അവാർഡും. ട്രോഫിയും,സർട്ടിഫിക്കേറ്റും ആണ് സമ്മാനിച്ചത്.