കേരള യൂത്ത് ഫ്രണ്ട് (എം) കടുത്തുരുത്തി നിയോജകമണ്ഡലം കമ്മിറ്റിയുടെ സമ്മേളനവും യുവജന റാലിയും ഓഗസ്റ്റ് 30 -ന് നാലുമണിക്ക് കടുത്തുരുത്തിയില്‍ :ജോസ് കെ മാണി എംപി ഉദ്ഘാടനം ചെയ്യും.

കടുത്തുരുത്തി: കേരള യൂത്ത് ഫ്രണ്ട് (എം) കടുത്തുരുത്തി നിയോജകമണ്ഡലം കമ്മിറ്റിയുടെ സമ്മേളനവും യുവജന റാലിയും ഓഗസ്റ്റ് മുപ്പതാം തീയതി നാലുമണിക്ക് കടുത്തുരുത്തിയില്‍ വെച്ച്‌ നടക്കുമെന്ന് യൂത്ത് ഫ്രണ്ട് നിയോജകമണ്ഡലം ഭാരവാഹികള്‍ അറിയിച്ചു.

നിയോജക മണ്ഡലത്തിലെ 12 മണ്ഡലം കമ്മിറ്റികളും വാദ്യഘോഷങ്ങളുടെയും നാടൻ കലാരൂപങ്ങളുടെയും അകമ്പടിയോടെ ബാനറുകളുടെ പിന്നിലായി അണിനിരക്കും.

നിയോജക മണ്ഡലത്തിലെ 182 വാർഡുകളില്‍ നിന്നായി 2500 യുവജനങ്ങളെ പ്രകടനത്തില്‍ അണിനിരത്തും.

യുവജന റാലി കേരള യൂത്ത് ഫ്രണ്ട് (എം) കടുത്തുരുത്തി നിയോജകമണ്ഡലം പ്രസിഡണ്ട് ബിബിൻ വെട്ടിയാനിക്കല്‍ നയിക്കും. റാലിയോട് അനുബന്ധിച്ച്‌ നടക്കുന്ന

പൊതുസമ്മേളനം കേരള കോണ്‍ഗ്രസ്(എം) ചെയർമാൻ ജോസ് കെ മാണി എംപി ഉദ്ഘാടനം ചെയ്യും.