നൂതന സാങ്കേതികവിദ്യയുടെ പിൻബലത്തോടെ നിർമിക്കുന്ന നിർമിതികൾ തകർന്നു വീഴുമ്പോഴും നൂറ്റാണ്ടുകൾക്ക് മുമ്പ് സാങ്കേതികവിദ്യയുടെ സഹായമില്ലാതെ കെട്ടിപ്പൊക്കിയ ആരാധനാലയങ്ങളും കൊട്ടാരങ്ങളും കേടുകൂടാതെ നിൽക്കുന്നതിനു പിന്നിൽ വിശ്വകർമ സമൂഹത്തിൻ്റെ കരവിരുതാണെന്ന് ഫ്രാൻസിസ് ജോർജ് എം.പി.

വൈക്കം: അഖില കേരളവിശ്വകർമ മഹാസഭ വൈക്കം താലൂക്ക് യൂണിയൻ്റെ ആഭിമുഖ്യത്തിൽ വിശ്വകർമ ദിനം ആഘോഷിച്ചു. വൈക്കം സത്യഗ്രഹ സ്മാരക ഹാളിൽ യൂണിയൻ പ്രസിഡൻ്റ് പി.ജി. ശിവദാസൻ്റെ അധ്യക്ഷതയിൽ നടന്ന സമ്മേളനം അഡ്വ. ഫ്രാൻസിസ് ജോർജ് എം പി ഉദ്ഘാടനം ചെയ്തു.

നൂതന സാങ്കേതികവിദ്യയുടെ പിൻബലത്തോടെ നിർമിക്കുന്ന നിർമിതികൾ തകർന്നു വീഴുമ്പോഴും നൂറ്റാണ്ടുകൾക്ക് മുമ്പ് സാങ്കേതികവിദ്യയുടെ സഹായമില്ലാതെ കെട്ടിപ്പൊക്കിയ ആരാധനാലയങ്ങളും കൊട്ടാരങ്ങളും കേടുകൂടാതെ നിൽക്കുന്നതിനു പിന്നിൽ വിശ്വകർമ സമൂഹത്തിൻ്റെ കരവിരുതാണെന്നും ഉദ്ഘാടന പ്രസംഗത്തിൽ ഫ്രാൻസിസ് ജോർജ് അഭിപ്രായപ്പെട്ടു.

ഒന്നിച്ചു നിൽക്കാത്തതാണ് എസ് എൻ ഡി പി, കെ പി എം എസ് അടക്കമുള്ള ഹിന്ദു സംഘടനകളുടെ അപചയത്തിനുകാരണമെന്നും പിന്നോക്കമെന്ന ലക്ഷ്മണരേഖ മുറിച്ചു കടന്നാൽമാത്രമേ സാമുദായികമായി പുരോഗതി കൈവരിക്കാനാകുകയുള്ളുവെന്നും മുഖ്യ പ്രഭാഷണം നടത്തിയ പ്രീതി നടേശൻ പറഞ്ഞു.

ബ്ലോക്ക് പഞ്ചായത്ത് പ്രസിഡൻ്റ് എസ്.ബിജു, കെ.കെ.സുരേഷ്, സണ്ണി എം. കപിക്കാട്, പി ജി എം നായർ, എ. സനീഷ് കുമാർ, കെ വി എം എസ് സംസ്ഥാന പ്രസിഡൻ് ബിന്ദുവിക്രമൻ, കെ.എസ്. മനോഹരൻ, എൻ. കരുണാകരനാചാരി, സോമശേഖരൻ, യൂണിയൻ സെക്രട്ടറി എസ്. കൃഷ്ണൻ, രുഗ്മിണിനാരായണൻ, തുളസി സുരേന്ദ്രൻ,

ബിമൽകുമാർ, ടി.എസ്.സാബു ,എ കെ വി എം എസ് താലൂക്ക് യൂണിയൻ ട്രഷറർ എസ്. ശ്രീകുമാർ തുടങ്ങിയവർ പ്രസംഗിച്ചു. സമ്മേളനത്തിന് മുന്നോടിയായി നടന്ന റാലിയിൽ നൂറുകണകിനു സ്ത്രീപുരുഷൻമാർ പങ്കെടുത്തു. റാലിക്ക് യൂണിയൻ പ്രസിഡൻ്റ് പി.ജിശിവദാസൻ, എസ്. ശ്രീകുമാർ, എസ്. കൃഷ്ണൻ, രുഗ്മിണിനാരായണൻ, ജയശ്രീ ലക്ഷ്മണൻ, ബിന്ദുമോഹനൻ തുടങ്ങിയവർ നേതൃത്വം നൽകി.