യുവാക്കൾക്ക് പൊലീസാകാം.., പക്ഷെ ചുരുങ്ങിയ കാലത്തേക്ക് മാത്രം ; കേരളാ പൊലീസ് നിങ്ങളെ വിളിക്കുന്നു
സ്വന്തം ലേഖകൻ
കോട്ടയം : യുവാക്കൾക്ക് ഇനി പൊലീസാകാം. പക്ഷെ ചുരുങ്ങിയ കാലത്തേയ്ക്ക് മാത്രം. ഈ വർഷത്തെ ശബരിമല മണ്ഡലകാല മകരവിളക്ക് ഉത്സവത്തോടനുബന്ധിച്ചാണ് കേരള പൊലീസിൽ സ്‌പെഷ്യൽ പൊലീസ് ഉദ്യോഗസ്ഥരെ നിയമിക്കുന്നത്. മൂന്ന് വർഷങ്ങൾക്കും മുമ്പും മണ്ഡലകാലത്തേയ്ക്ക് മാത്രമായി സ്‌പെഷ്യൽ പൊലീസ് ഉദ്യോഗസ്ഥരെ നിയമിച്ചിരുന്നു. സമാന രീതി തന്നെയാണ് ഈ മണ്ഡലകാലത്തും സ്വീകരിക്കുന്നത്. മണ്ഡലകാലത്ത് എരുമേലി മുതൽ ശബരിമല വരെയുള്ള സ്ഥലങ്ങളിലായിരിക്കും സ്‌പെഷ്യൽ പൊലീസ് ഉദ്യോഗസ്ഥരെ നിയമിക്കുക. മണ്ഡലകാലത്ത് ശബരിമലയിലെത്തുന്ന ഭക്തർക്ക് അടിസ്ഥാന സൗകര്യങ്ങൾ ഒരുക്കുക, കൂടാതെ ഗതാഗത നിയന്ത്രണം എന്നിവയായിരിക്കും ഇവരുടെ ഡ്യൂട്ടിയിൽ ഉണ്ടാവുക. എന്നാൽ ക്രമസമാധാന പ്രശ്‌നങ്ങൾ ഉണ്ടാകാൻ സാധ്യതയുള്ള ഇടങ്ങളിൽ ഇവരെ വിന്യസിപ്പിക്കില്ല. വിമുക്ത ഭടന്മാർ, വിരമിച്ച പൊലീസ് ഉദ്യോഗസ്ഥർ, എൻ.സി.സി, എക്‌സ് – എൻ.സി.സി എന്നീ യോഗ്യതയുള്ള യുവതി- യുവാക്കൾക്ക് അപേക്ഷിക്കാവുന്നതാണ്.
ഇതുമായി ബന്ധപ്പെട്ട അപേക്ഷാഫോം ജില്ലയിലെ സബ് ഡിവിഷൻ ഓഫീസുകളിൽ ലഭ്യമാണ്. വനിതകൾക്കും അപേക്ഷിക്കാവുന്നതാണ്. താല്പര്യമുള്ളവർ അനുബന്ധ രേഖകളുമായി രണ്ടു ദിവസത്തിനുള്ളിൽ അതാത് സബ് ഡിവിഷൻ ഓഫീസിൽ ബന്ധപ്പെടുക.
കോട്ടയം സബ് ഡിവിഷൻ – 0481 2564103
Whatsapp Group 1 | Whatsapp Group 2 |Telegram Group
വൈക്കം സബ് ഡിവിഷൻ – 0482 9231332
കാഞ്ഞിരപ്പള്ളി സബ് ഡിവിഷൻ – 0482 8222222
പാലാ സബ് ഡിവിഷൻ – 0482 2210888
ചങ്ങനാശ്ശേരി സബ് ഡിവിഷൻ – 0481 2422100
