കേരളത്തിന് ഓണസമ്മാനമായി രണ്ടാമത്തെ വന്ദേഭാരത്; റേക്ക് ഇന്നെത്തും; രണ്ടു റൂട്ടുകള്‍ പരിഗണനയില്‍

സ്വന്തം ലേഖകൻ

ന്യൂഡൽഹി: ഓണസമ്മാനമായി കേരളത്തിന് രണ്ടാമത്തെ വന്ദേഭാരത് ട്രെയിന്‍ അനുവദിച്ച്‌ റെയില്‍വേ.ഡിസൈന്‍ മാറ്റം വരുത്തിയ വന്ദേഭാരതിന്റെ ആദ്യ റേക്ക് ആണ് കേരളത്തിന് ലഭിച്ചത്.തിരുവനന്തപുരം- മംഗലാപുരം റൂട്ടും, എറണാകുളം- ഗോവ റൂട്ടും പരിഗണനയിലുണ്ടെന്നാണ് റിപ്പോര്‍ട്ട്.

എട്ടു കോച്ചുകളുള്ള ട്രെയിന്‍ ഇന്ന് രാത്രിയോടെ ചെന്നൈ ഇന്റഗ്രല്‍ കോച്ച്‌ ഫാക്ടറിയില്‍ നിന്നും പുറപ്പെടും. മംഗലാപുരത്തേക്കാണ് ട്രെയിന്‍ പുറപ്പെടുക. ലോക്കോപൈലറ്റുമാര്‍ക്കുള്ള ട്രെയിനിങ് ചെന്നൈയില്‍ പൂര്‍ത്തിയാക്കിയിരുന്നു.

ഏപ്രില്‍ 25 നാണ് ആദ്യ വന്ദേഭാരത് എക്‌സ്പ്രസ് പ്രധാനമന്ത്രി നരേന്ദ്രമോദി കേരളത്തില്‍ ഉദ്ഘാടനം ചെയ്തത്. നിലവില്‍ കാസര്‍കോട്- തിരുവനന്തപുരം റൂട്ടില്‍ ഈ വന്ദേഭാരത് സര്‍വീസ് നടത്തിവരികയാണ്.