കേരള ശാസ്ത്ര സാഹിത്യ പരിഷത്ത് കോട്ടയം ജില്ലാ സമ്മേളനത്തിന് സമാപനം; നദീതീരങ്ങൾ കൈയ്യേറിയുമുള്ള അനധികൃത നിർമ്മാണങ്ങൾക്കെതിരെ കർശനമായ നടപടി സ്വീകരിക്കണമെന്ന് സമ്മേളനം പ്രമേയത്തിലൂടെ സർക്കാരിനോട് ആവശ്യപ്പെട്ടു; സമ്മേളനത്തിൽ പുതിയ ഭാരവാഹികളെ തെരഞ്ഞെടുത്തു

കുമരകം: രണ്ടുദിവസമായി നടന്നുവരുന്ന കേരള ശാസ്ത്ര സാഹിത്യ പരിഷത്ത് കോട്ടയം ജില്ലാ സമ്മേളനം കുമരകത്ത് സമാപിച്ചു. ശനിയാഴ്ച രാവിലെ സംഘടനാ രേഖയുടെ ഭാവി പ്രവർത്തന പരിപാടികളുടെയും വിശദമായ ചർച്ചകൾ നടന്നു.

കോട്ടയം ജില്ലയുടെ വികസന പ്രശ്നങ്ങൾ ഉയർത്തി പ്രത്യേകമായ പ്രചരണ പരിപാടികളും പദയാത്രയും സംഘടിപ്പിക്കാൻ തീരുമാനിച്ചു. ജില്ലാ പ്രസിഡണ്ട് കെ കെ സുരേഷ്കുമാർ അധ്യക്ഷനായിരുന്നു. ജിസ് ജോസഫ് വിഷ്ണു ശശിധരൻ, മഹേഷ് ബാബു, ആർ സനൽകുമാർ എന്നിവർ വിവിധ സെഷനുകളിൽ സംസാരിച്ചു.

പ്രളയജലത്തെ ഉൾക്കൊള്ളുവാനും സ്വാഭാവിക നീരൊഴുക്ക് തടസ്സപ്പെടുത്തുന്ന തരത്തിൽ നദീതീരങ്ങൾ കൈയ്യേറിയുമുള്ള അനധികൃത നിർമ്മാണങ്ങൾക്കെതിരെ കർശനമായ നടപടി സ്വീകരിക്കണമെന്ന് സമ്മേളനം പ്രമേയത്തിലൂടെ സർക്കാരിനോട് ആവശ്യപ്പെട്ടു.

ഭാരവാഹികളായി പ്രൊഫ. എം.കെ രാധാകൃഷ്ണൻ പ്രസിഡന്റായും, ഡോ. എം.കെ ബിജു, രശ്മി മാധവ് വൈസ് പ്രസിഡന്റമാരായും, വിഷ്ണു ശശിധരൻ സെക്രട്ടറിയായും കെ.ജയകുമാർ, സുനിത ശ്രീകുമാർ എന്നിവർ ജോയിന്റ് സെക്രട്ടറിമാരായും, ആർ രാജേഷ് ജില്ലാ ഖജാൻജിയുമായി സമ്മേളനം തെരഞ്ഞെടുത്തു.