മഴയ്ക്കായി ഇനിയും കാത്തിരിക്കണം…..! കേരളത്തില്‍ കാലവര്‍ഷം എത്തുന്നത് വൈകുമെന്ന് കാലാവസ്ഥാ നിരീക്ഷണ കേന്ദ്രം
സ്വന്തം ലേഖിക
തിരുവനന്തപുരം: കേരളത്തില്‍ കാലവര്‍ഷം എത്തുന്നത് വൈകും.
നേരത്തെ പ്രവചിച്ചത് പോലെ ജൂണ്‍ നാലിന് കാലവര്‍ഷം എത്തില്ല.
ഇനിയും നാല് ദിവസം കഴിഞ്ഞാകും കാലവര്‍ഷം എത്തുകയെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്‍റെ അറിയിപ്പ്.
Whatsapp Group 1 | Whatsapp Group 2 |Telegram Group
അതേസമയം സംസ്ഥാനത്ത് ഒറ്റപ്പെട്ടയിടങ്ങളില്‍ മഴ തുടരുകയാണ്. പത്തനംതിട്ട, ഇടുക്കി ജില്ലകളില്‍ ഇന്നും യെല്ലോ അലര്‍ട്ട് പ്രഖ്യാപിച്ചിട്ടുണ്ട്.
കേരള, കര്‍ണാടക, ലക്ഷദ്വീപ് തീരങ്ങളില്‍ മത്സബന്ധനത്തിന് വിലക്കുണ്ട്. നാളെ അറബിക്കടലില്‍ രൂപംകൊള്ളുന്ന ചക്രവാതച്ചുഴി, നാളെയോടെ ന്യൂനമര്‍ദ്ദമായി മാറും.
ഇതിന്റെ ദിശയും കാലവര്‍ഷത്തെ ബാധിച്ചേക്കും.
വരും മണിക്കൂറില്‍ പത്തനംതിട്ട, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം എന്നീ ജില്ലകളില്‍ ഒറ്റപ്പെട്ടയിടങ്ങളില്‍ മിതമായ മഴയ്ക്കും തിരുവനന്തപുരം, കൊല്ലം, ആലപ്പുഴ, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ ഒറ്റപ്പെട്ടയിടങ്ങളില്‍ നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.
