കേരള ക്രിക്കറ്റ് ലീഗിന് ആവേശം…! കരുത്തിൻ്റെയും ഐക്യത്തിൻ്റെയും പ്രതീകമായി നീല; കൊച്ചി ബ്ലൂ ടൈഗേഴ്‌സ് ജേഴ്സിയും വെബ്സൈറ്റും പ്രകാശനം ചെയ്തു

തിരുവനന്തപുരം: കേരള ക്രിക്കറ്റ് ലീഗിന് (KCL) ആവേശം പകർന്ന് കൊച്ചി ബ്ലൂ ടൈഗേഴ്സ് ടീം ഔദ്യോഗിക ജേഴ്സിയും വെബ്സൈറ്റും പ്രകാശനം ചെയ്തു.

കരുത്തിന്റെയും ഐക്യത്തിന്റെയും പ്രതീകമായി നീല നിറത്തിലുള്ള ജേഴ്സി തലസ്ഥാനത്ത് നടന്ന ചടങ്ങില്‍ ടീം ഉടമ സുഭാഷ് മാനുവല്‍, ക്യാപ്റ്റൻ സാലി സാംസണ്‍, വൈസ് ക്യാപ്റ്റൻ സഞ്ജു സാംസണ്‍, ഹെഡ് കോച്ച്‌ റൈഫി വിൻസന്റ് ഗോമസ്, കോച്ചിങ് ഡയറക്ടർ സി.എം ദീപക് എന്നിവർ ചേർന്ന് പുറത്തിറക്കി.

ടീമിന്റെ ഔദ്യോഗിക വെബ്സൈറ്റിന്റെ ഉദ്ഘാടനം ഇന്ത്യൻ ക്രിക്കറ്റ് താരം കൂടിയായ സഞ്ജു സാംസണ്‍ നിർവഹിച്ചു.

കെ.സി.എല്‍ വലിയൊരു കായിക മാമാങ്കമായി മാറിയെന്നും തിരക്കുകള്‍ ഒഴിഞ്ഞാല്‍ കേരള ക്രിക്കറ്റില്‍ കൂടുതല്‍ സമയം ചെലവഴിക്കാൻ ആഗ്രഹിക്കുന്നുവെന്നും അതൊരു ഉത്തരവാദിത്തമായി കാണുന്നുവെന്നും സഞ്ജു സാംസണ്‍ പറഞ്ഞു.