ശരീരവേദനകള്‍ അകലാനും ആരോഗ്യം ലഭിക്കാനും ഉത്തമം; വാതസംബന്ധമായ എല്ലാ വേദനകള്‍ക്കും പ്രതിവിധി; ജലദോഷവും തൊണ്ടവേദനയും ഇല്ലാതാക്കും; കരിനൊച്ചിയുടെ ഗുണങ്ങള്‍ ഇവയാണ്….

സ്വന്തം ലേഖിക

കോട്ടയം: പഴമക്കാരുടെ ആരോഗ്യരഹസ്യങ്ങളില്‍ ഒന്നായിരുന്നു കരിനൊച്ചി.

ഇതിന്റെ ഇലയുടെ അടിഭാഗം വയലറ്റ് നിറമായിരിക്കും.
ഇല, പൂവ്, വേര് എന്നിവയെല്ലാം ഔഷധമൂല്യമുള്ളതാണ്.

അരിപ്പൊടിയും കരിപ്പട്ടിയും കരിനൊച്ചി ഇല അരച്ചതും ചേര്‍ത്ത് കുറുക്കി കഴിക്കുന്നത് ശരീരവേദനകള്‍ അകലാനും ആരോഗ്യം ലഭിക്കാനും ഉത്തമമാണ്.

തുളസി, നൊച്ചിയില, ജീരകം , കുരുമുളക് എന്നിവ ചേര്‍ത്ത് തയാറാക്കുന്ന കഷായം ചുമ ശമിപ്പിക്കും. കരിനൊച്ചി ഇല കിഴികെട്ടി ചൂട് പിടിക്കുന്നതും ഇലയിട്ട് തിളപ്പിച്ച വെള്ളത്തില്‍ കുളിക്കുന്നതും വാതസംബന്ധമായ എല്ലാ വേദനകള്‍ക്കും പ്രതിവിധിയാണ്.

ഇല ചേര്‍ത്ത് തിളപ്പിച്ച വെള്ളത്തില്‍ ആവിപിടിക്കുന്നത് ജലദോഷവും തൊണ്ടവേദനയും ഇല്ലാതാക്കും.