ചെറുകിട കരാറുകാർ കളക്ടറേറ്റിലേക്ക് മാർച്ചും ധർണയും സംഘടിപ്പിച്ചു:

സ്വന്തം ലേഖകൻ
കോട്ടയം:കേരള ഗവൺമെൻറ് കോൺട്രാക്ടേഴ്സ് ഫെഡറേഷൻ നേതൃത്വത്തിൽ ചെറുകിട കരാറുകാർ കോട്ടയം കലക്ടറേറ്റിലേക്ക് മാർച്ചും തുടർന്ന് ധർണയും സംഘടിപ്പിച്ചു. സർക്കാർ വക ജോലികൾ നിർവഹിച്ചതിന്റെ ബില്ലുകളുടെ തുക എത്രയും വേഗം ലഭ്യമാക്കണമെന്ന് ആവശ്യപ്പെട്ടായിരുന്നു പ്രതിഷേധം

.സിഐടിയു ജില്ലാ ജോയിൻ സെക്രട്ടറി കെ. ജെ. അനിൽകുമാർ സമരം ഉദ്ഘാടനം ചെയ്തു. ചെറുകിട കരാറുകാർ ഏറെ പ്രതിസന്ധിയിൽ ആണെന്നും ഇവർക്ക് സർക്കാർ നൽകാനുള്ള തുക ലഭ്യമാക്കാൻ ഉടൻ നടപടി സ്വീകരിക്കണമെന്നും ഉദ്ഘാടകൻ ആവശ്യപ്പെട്ടു

. ഈ ആവശ്യങ്ങൾ നിരന്തരം ഉന്നയിച്ചിട്ടും പരിഹാരമുണ്ടായിട്ടില്ലെന്നും അദ്ദേഹം ചൂണ്ടിക്കാട്ടി.ജില്ലാ പ്രസിഡണ്ട് എംഎസ് സാനു സമരത്തിൽ അധ്യക്ഷനായി. നിരവധി ചെറുകിട കരാറുകാരാണ് പ്രതിഷേധത്തിൽ പങ്കെടുത്തത്.