കണ്ണൂരിൽ കാൽനടയാത്രക്കാരനെ സ്വകാര്യബസ് ഇടിച്ചുതെറിപ്പിച്ചു ; ഗുരുതരമായി പരിക്കേറ്റ പയ്യാവൂർ സ്വദേശി ആശുപത്രിയിൽ; ബസ് പൊലീസ് കസ്റ്റഡിയിലെടുത്തു

സ്വന്തം ലേഖകൻ

കണ്ണൂർ∙ കണ്ണൂരിൽ കാൽനടയാത്രക്കാരനെ ബസ് ഇടിച്ചുതെറിപ്പിച്ചു. പയ്യാവൂർ പൊന്നുപറമ്പ് സ്വദേശി ബാലകൃഷ്ണനെയാണു ബസിടിച്ചത്.

ഇന്നലെ വൈകിട്ട് 6.30നായിരുന്നു അപകടം. വേഗതയിലെത്തിയ ബസിന്റെ ഇടിയേറ്റ് ബാലക‍ൃഷ്ണൻ തെറിച്ച് റോഡിൽ വീണു.

ഗുരുതരമായി പരുക്കേറ്റ ബാലകൃഷ്ണനെ പയ്യാവൂരിലെ ആശുപത്രിയിൽനിന്നു കണ്ണൂരിലെ സ്വകാര്യ ആശുപത്രിയിലേക്കു മാറ്റി. ഇയാളുടെ നില ഗുരുതരമായി തുടരുന്നു. ബസ് പയ്യാവൂർ പൊലീസ് കസ്റ്റഡിയിലെടുത്തു.

മലപ്പുറം തിരുവാലിയിൽ നിയന്ത്രണം വിട്ട കാർ ബൈക്ക് യാത്രക്കാരനെ ഇടിച്ചുതെറിപ്പിക്കുകയും കടയിലേക്കു ഇടിച്ചുകയറുകയും ചെയ്തു.