സിപിഎം നേതാവ് അഡ്വ,. റെജി സഖറിയായ്ക്ക് വാഹനാപകടത്തിൽ ​പരിക്ക്; റെജി സഖറിയായെ ഉടൻ അടിയന്തിര ശസ്ത്രക്രിയയ്ക്ക് വിധേയമാക്കും

സ്വന്തം ലേഖകൻ

കോട്ടയം: സിപിഎം നേതാവ് അഡ്വ. റെജി സഖറിയായ്ക്ക് വാഹനാപകടത്തിൽ ​പരിക്കേറ്റു. കാഞ്ഞിരപ്പള്ളിയിൽ വെച്ച് റെജി സഖറിയ സഞ്ചരിച്ചിരുന്ന ആൾട്ടോ കാറും, ഓട്ടോറിക്ഷയുമായി കൂട്ടിയിടിക്കുകയായിരുന്നു.

റെജി സഖറിയായ്ക്ക് തലയ്ക്കും ഇടത് കൈയ്ക്കും പരിക്കേറ്റു. പരിക്കേറ്റ റെജി സഖറിയായെ കോട്ടയം മെഡിക്കൽ സെന്റർ ആശുപത്രിയിൽ പ്രവേശിപ്പിച്ചു.

എന്നാൽ റെജി സഖറിയയുടെ പരിക്ക് ​ഗുരുതരമല്ലെന്നും തലയ്ക്ക് ചെറിയ മുറിവ് പറ്റിയിട്ടുണ്ടെന്നും തലയുടെ മുറിവിന് പ്രാഥമിക ചികിൽസ നല്കിയ കാഞ്ഞിരപ്പള്ളിയിലെ ആശുപത്രിയിൽ നിന്ന് അഞ്ച് സ്റ്റിച്ച് ഇട്ടിട്ടുള്ളതായും ഇടത് കൈ ഒടിഞ്ഞതായും കൈക്ക് ഉടൻതന്നെ ശസ്ത്രക്രിയ നടത്തുന്നുമെന്നും മെഡിക്കൽ സെന്റർ ആശുപത്രി അധികൃതർ തേർഡ് ഐ ന്യൂസിനോട് പറഞ്ഞു.