കാഞ്ഞിരപ്പള്ളി പാറത്തോട്ടിൽ വെടിമരുന്നിന് തിരികൊളുത്തിയ ശേഷം കിണറ്റിൽ നിന്ന് കയറുന്നതിനിടെ പിടിവിട്ട് താഴേക്ക് പതിച്ചു; യുവാവിന് ദാരുണാന്ത്യം; ശരീരഭാഗങ്ങൾ ചിന്നിച്ചിതറിയ നിലയിൽ

സ്വന്തം ലേഖിക

കാഞ്ഞിരപ്പള്ളി: പാറത്തോട്ടിൽ പാറ പൊട്ടിക്കാൻ കിണറ്റിലിറങ്ങിയ തമിഴ്നാട് സ്വദേശിയ്ക്ക് ദാരുണാന്ത്യം.

തമിഴ്നാട് തേനി പെരിയകുളം സ്വദേശി ശിവകുമാർ (22 ) ആണ് മരിച്ചത്.

വെടിമരുന്നിന് തിരി കൊളുത്തിയ ശേഷം കിണറ്റിൽ നിന്ന് കയറുന്നതിനിടെ പിടിവിട്ട് താഴേക്ക് പതിക്കുകയായിരുന്നു. ഈ സമയം പാറപ്പൊട്ടിത്തെറിച്ചാണ് അപകടമുണ്ടായത്.