രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധന ; കൊച്ചിയിൽ 6 കിലോ കഞ്ചാവുമായി യുവതി പിടിയിൽ

കൊച്ചി : രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ കൊച്ചിയിൽ കഞ്ചാവുമായി യുവതി പിടിയിൽ.

കര്‍ണ്ണാടക സ്വദേശിയായ ഹെമല്‍ പത്മജ (36) യെയാണ് കൊച്ചി സിറ്റി പോലീസ് പിടികൂടിയത്.ഇവരിൽ നിന്ന് 6 കിലോ കഞ്ചാവ് കണ്ടെടുത്തു.

വില്‍പ്പനയ്ക്കായി കഞ്ചാവ് സൂക്ഷിക്കുന്നതായി സിറ്റിപോലീസ് കമ്മീഷണര്‍ പുട്ട വിമലാദിത്യ ഐപിഎസ്സിന് ലഭിച്ച രഹസ്യവിവരത്തിന്‍റെ അടിസ്ഥാനത്തിലായിരുന്നു പരിശോധന.

ഡെപ്യൂട്ടി പോലീസ് കമ്മീഷണര്‍ അശ്വതിജിജി ഐപിഎസ്സിന്‍റെ നിര്‍ദ്ദേശാനുസരണം നര്‍കോട്ടിക് സെല്‍ എസിപി കെ.എ.അബ്ദുള്‍സലാമിന്‍റെ നേതൃത്വത്തിലുള്ള ഡാന്‍സാഫ് ടീം കാക്കനാട് പൊയ്ചിറഭാഗത്ത് ചിറമേല്‍ റോഡില്‍ കാര്‍ത്തിക റസിഡന്‍സിയില്‍ നടത്തിയ പരിശോധനയിലാണ് 6.32 കിലോഗ്രാം കഞ്ചാവുമായി പ്രതി പിടിയിലായത്.