കഞ്ചാവ് വില്പന നടത്തിയ ബിഹാര്‍ സ്വദേശി പിടിയില്‍

സ്വന്തം ലേഖകൻ

ശ്രീകണ്ഠപുരത്ത് കഞ്ചാവുമായി ബിഹാര്‍ സ്വദേശി പിടിയില്‍. ബിഹാര്‍ സ്വദേശിയും പാവന്നൂരില്‍ താമസക്കാരനുമായ അജയ് കുര്‍റാമിനെ (23) യാണ് പിടികൂടിയത്.

ഇയാളുടെ കൈയില്‍ നിന്നും ഏട്ട് ഗ്രാം കഞ്ചാവാണ് പിടിച്ചെടുത്തത്.

ശ്രീകണ്ഠപുരം എക്സൈസ് പ്രിവന്റിവ് ഓഫിസര്‍ കെ. രത്നാകരനും സംഘവും മയ്യില്‍, കുറ്റ്യാട്ടൂര്‍ ഭാഗങ്ങളില്‍ നടത്തിയ പരിശോധനയിലാണ് ഇയാള്‍ പിടിയിലായത്. ഗ്രേഡ് പ്രിവന്റിവ് ഓഫിസര്‍ സി. അഭിലാഷ്, സിവില്‍ എക്സൈസ് ഓഫിസര്‍മാരായ മൂലയില്‍ ഗോവിന്ദന്‍, ടി.പി. സുദീപ്, എക്സൈസ് ഡ്രൈവര്‍ കെ.വി. പുരുഷോത്തമന്‍ എന്നിവരും പരിശോധന സംഘത്തിലുണ്ടായിരുന്നു.