“ദക്ഷിണേന്ത്യയില്‍ ഹിന്ദി ഭാഷ അടിച്ചേല്‍പ്പിക്കരുത്”; കന്നട ഭാഷാ വിവാദത്തിന് പിന്നാലെ പുതിയ ആവശ്യവുമായി കമല്‍ഹാസൻ

ചെന്നൈ: ദക്ഷിണേന്ത്യയില്‍ ഹിന്ദി ഭാഷ അടിച്ചേല്‍പ്പിക്കുന്നതിനെതിരെ കമല്‍ഹാസൻ.

കന്നഡ -തമിഴ് ഭാഷാ പരാമർശത്തില്‍ കർണാടകയില്‍ തഗ് ലൈഫ് വിലക്കിയതിന് തൊട്ടു പിന്നാലെയാണ് താരത്തിന്റെ ഹിന്ദി -തമിഴ് പരാമർശം.
തന്റെ പുതിയ ചിത്രമായ ‘തഗ് ലൈഫിന്റെ ‘ പ്രൊമോഷനിടെയാണ് കമല്‍ഹാസൻ അഭിപ്രായം വ്യക്തമാക്കിയത്.

വിദ്യാഭ്യാസം ഭാഷ അടിച്ചേല്‍പ്പിക്കുന്നതില്‍ നിന്ന് മുക്തമായിരിക്കണമെന്നും പഠനം എപ്പോഴും കാര്യക്ഷമമായിരിക്കണമെന്നും അദ്ദേഹം പറഞ്ഞു. ഹിന്ദി അടിച്ചേല്‍പ്പിക്കുന്നതിന് പകരം ഇംഗ്ലീഷ്, സ്പാനിഷ്, ചൈനീസ് പോലുള്ള അന്താരാഷ്ട്ര ഭാഷകള്‍ പഠിപ്പിക്കണമെന്നും അദ്ദേഹം അഭ്യർത്ഥിച്ചു.

കന്നഡ ഭാഷയെക്കുറിച്ചുള്ള തന്റെ പരാമർശങ്ങള്‍ക്കിടെ വിവാദത്തില്‍പ്പെട്ടിട്ടും, താരം പിന്നോട്ടില്ലെന്നാണ് വ്യക്തമാക്കുന്നത്.