കൊച്ചി: കലൂർ ആശുപത്രിക്ക് സമീപം ഹോട്ടലിൽ സ്റ്റീമർ പൊട്ടിത്തെറിച്ച് ഒരു മരണം. വെസ്റ്റ് ബംഗാൾ സ്വദേശി സുമിത് ആണ് മരിച്ചത്. ഐ ഡെലി കഫേയിലെ സ്റ്റീമർ ആണ് പൊട്ടിത്തെറിച്ചത്. ഇന്ന് വൈകിട്ട് നാലുമണിയോടുകൂടിയാണ് അപകടം.
സംഭവത്തിൽ അഞ്ചുപേർക്ക് പരിക്കേറ്റു. നാലുപേരുടെ നില അതീവ ഗുരുതരമായി തുടരുന്നു. ഹോട്ടൽ ജീവനക്കാർക്കാണ് പരിക്കേറ്റത്. ശരീരമാസകലം സുമിത്തിന് പൊള്ളലേറ്റിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകട കാരണം ഇതുവരെയും വ്യക്തമല്ല.
