കോട്ടയം: ഇന്ന് വൈകീട്ട് ചായക്കൊപ്പം കഴിക്കാൻ കണ്ണൂർ സ്പെഷ്യല്‍ കല്‍മാസ് ഉണ്ടാക്കിയാലോ? വളരെ എളുപ്പത്തില്‍ തയ്യാറാക്കാം.
എങ്ങനെയെന്ന് നോക്കിയാലോ?
ആവശ്യമായ ചേരുവകള്‍
Whatsapp Group 1 | Whatsapp Group 2 |Telegram Group
പച്ചരി – ഒരു കപ്പ്
വെള്ളം – ഒന്നേകാല്‍ കപ്പ്
ഉപ്പ് – ആവശ്യത്തിന്
നെയ്യ് – ഒരു ടീസ്പൂണ്‍
തേങ്ങ ചിരകിയത് – കാല്‍ കപ്പ്
ചെറിയ ഉള്ളി – 6 അല്ലി
പെരുംജീരകം – അര ടീസ്പൂണ്‍
മൈദ – രണ്ട് ടേബിള്‍ സ്പൂണ്‍
ചിക്കൻ – 400 ഗ്രാം
സവാള – 2 വലുത്
ഇഞ്ചി വെളുത്തുള്ളി ചതച്ചത് – ഒരു ടേബിള്‍സ്പൂണ്‍
കറിവേപ്പില – ഒരു തണ്ട്
മഞ്ഞള്‍പ്പൊടി – കാല്‍ ടീസ്പൂണ്‍
മുളകുപൊടി – ഒരു ടീസ്പൂണ്‍
മല്ലിപ്പൊടി – ഒരു ടീസ്പൂണ്‍
ഗരംമസാലപ്പൊടി – അര ടീസ്പൂണ്‍
മല്ലിയില – ഒരു പിടി
വെളിച്ചെണ്ണ – 2 + 2 ടേബിള്‍സ്പൂണ്‍
മുളകുപൊടി – ഒരു ടേബിള്‍സ്പൂണ്‍
അരിപ്പൊടി – ഒരു ടേബിള്‍സ്പൂണ്‍
ഗരംമസാലപ്പൊടി – ഒരു ടീസ്പൂണ്‍
തയാറാക്കുന്ന വിധം
പച്ചരി നന്നായി കഴുകി കുറഞ്ഞത് നാല് മണിക്കൂർ വെള്ളത്തില്‍ കുതിർത്ത് വയ്ക്കുക. ഇതിനു ശേഷം അരക്കപ്പ് വെള്ളം ചേർത്ത് നന്നായി അരച്ചെടുക്കുക. ഇതിലേക്ക് മുക്കാല്‍ കപ്പ് വെള്ളം കൂടി ചേർത്ത് യോജിപ്പിക്കുക. അരച്ചുവച്ചത് അടികട്ടിയുള്ള ഒരു പാത്രത്തിലേക്ക് മാറ്റുക. ഇതിലേക്ക് അല്പം നെയ്യും ആവശ്യത്തിന് ഉപ്പും ചേർത്ത് ചെറിയ തീയില്‍ കുറുകി കട്ടിയാവുന്നത് വരെ ഇളക്കി കൊടുത്തു കൊണ്ടേയിരിക്കുക.
ഇതിലേക്ക് ചേർക്കാൻ വേണ്ടി മസാല തയ്യാറാക്കാം: ഇതിനായി തേങ്ങ, ചുവന്നുള്ളി, പെരും ജീരകം, വെളുത്തുള്ളി എന്നിവ ചേർത്ത് ചതച്ചെടുക്കുക. ഇത് ഇനി നേരത്തെ കുറുക്കിയെടുത്ത അരിയിലേക്ക് ഇട്ട് കൊടുക്കുക. ഇതിലേക്ക് മൈദയും ചേർത്ത് നന്നായി കട്ടിയില്‍ കുഴച്ചെടുത്ത് മാറ്റിവെക്കുക.
ഈ സമയം കുക്കറില്‍ ചിക്കൻ, അല്പം മഞ്ഞള്‍പ്പൊടിയും ഉപ്പും കാല്‍ കപ്പ് വെള്ളവും ചേർത്ത് പ്രഷർ കുക്കറില്‍ രണ്ടു വിസില്‍ വരുന്നതുവരെ വേവിക്കുക. തണുത്തു കഴിയുമ്പോള്‍ ചിക്കനിലെ എല്ല് മാറ്റി മിക്സിയില്‍ ഒന്ന് പൊടിച്ചെടുക്കുക.
മറ്റൊരു പാനില്‍ ഒരു ടേബിള്‍ സ്പൂണ്‍ വെളിച്ചെണ്ണ ചൂടാക്കി ചെറുതായി അരിഞ്ഞ സവാള, ഇഞ്ചിയും വെളുത്തുള്ളിയും ചതച്ചത്, പച്ചമുളക്, കറിവേപ്പില ഇവ ചേർത്ത് വഴറ്റുക. ഉള്ളി നന്നായി വഴന്നു കഴിയുമ്ബോള്‍ മഞ്ഞള്‍ പൊടി, മുളക് പൊടി, മല്ലി പൊടി ഗരം മസാല ചേർത്തുകൊടുക്കുക. പൊടികളുടെ പച്ചമണം മാറുമ്പോള്‍ ചിക്കനും ആവശ്യത്തിന് ഉപ്പും ചേർത്ത് നന്നായി വഴറ്റുക. തീ ഓഫ് ചെയ്ത് അല്പം മല്ലിയില വിതറി മാറ്റിവയ്ക്കുക.
ഇതിനു ശേഷം മാറ്റിവച്ച മാവില്‍നിന്നും ചെറിയ ഉരുളയെടുത്ത് കൈയില്‍ വച്ച്‌ പരത്തി ഒരു സ്പൂണ്‍ മസാല വച്ച്‌ ഉന്നക്കായ ഷേയ്പ്പില്‍ ഉരുട്ടിയെടുക്കുക. ഇതിനു ശേഷം 20 മിനിട്ട് ചെറിയ തീയില്‍ ആവിയില്‍ വേവിച്ച്‌ എടുക്കുക. ചൂട് മാറിയതിനു ശേഷം ഒരു പരന്ന പാത്രത്തില്‍ ഒരു ടേബിള്‍ സ്പൂണ്‍ മുളകുപൊടി, ഒരു ടേബിള്‍ സ്പൂണ്‍ അരിപ്പൊടി, ഒരു ടീസ്പൂണ്‍ ഗരം മസാല എന്നിവ യോജിപ്പിക്കുക. ഇതിലേക്ക് തയാറാക്കിയ കല്‍മാസ് റോള്‍ ചെയ്തെടുക്കുക. ഇനി ഒരു പാനില്‍ രണ്ട് ടേബിള്‍സ്പൂണ്‍ വെളിച്ചെണ്ണ ചൂടാക്കി മസാല പുരട്ടിയ കല്‍മാസ് നിരത്തി എല്ലാ വശവും മൊരിച്ചെടുക്കുക.
