കലാനിലയത്തിന്റെ രക്തരക്ഷസ്സ് നാടകം വീണ്ടും കോട്ടയത്ത്: ഒക്ടോബർ അവസാനം നാടകാവതരണം തുടങ്ങും: നാഗമ്പടത്ത് സ്റ്റേജ് നിർമാണം തുടങ്ങി

കോട്ടയം: കലാനിലയം രക്തരക്ഷസ്സ് നാടകവുമായി വീണ്ടും കോട്ടയത്ത് എത്തുന്നു.

14 വർഷങ്ങൾക്ക് ശേഷം ഏറെ പുതുമയോടും കാലാനുസൃതമായി ദൃശ്യ വിസ്മയ സാങ്കേതിക മികവോടും കൂടി രക്തരക്ഷസ്സ് – ചാപ്റ്റർ 1 കോട്ടയത്ത് അവതരിപ്പിക്കാൻ തയ്യാറെടുക്കുകയാണ് കലാനിലയം.

സ്റ്റേജിൻ്റേയും എസി ഓഡിറ്റോറിയത്തിൻ്റേയും കാൽനാട്ട് കർമ്മം തിരുവഞ്ചൂർ രാധാക്യഷ്ണൻ എംഎൽഎ നിർവ്വഹിച്ചു. നഗരസഭ ചെയർപേഴ്സൺ ബിൻസി സെബാസ്റ്റ്യൻ ഭദ്രദീപം കൊളുത്തി.

വാർഡ് കൗൺസിലർ സിൻസി പാറേൽ, റോയ് സി,കലാനിലയം അനന്തപദ്മനാഭൻ, നാടക ചലച്ചിത്ര നടൻ കോട്ടയം രമേശ്, എഴുത്തുകാരൻ ഡോ. പ്രവീൺ ഇളവങ്കര മറ്റ് പ്രമുഖർ ചടങ്ങിൽ പങ്കെടുത്തു.

ഓക്ടോബർ അവസാന വാരം മുതൽ നാടകം അവതരിപ്പിച്ച് തുടങ്ങും. ദിവസേന 6 നും 9 നും രണ്ട് അവതരണങ്ങൾ.
അന്വേഷണങ്ങൾക്ക് 8714088850.