പ്രാ​ർ​ത്ഥ​ന സ​മ്മേ​ള​നം ന​ട​ക്കു​ന്ന​തി​നി​ടെ സ്ഫോ​ട​നം: ഭീ​ക​രാ​ക്ര​മ​ണ​ക്കേ​സി​ലെ പ്ര​തി ഡൊ​മി​നി​ക് മാ​ർ​ട്ടി​ന്‍റെ വി​ദേ​ശ​ബ​ന്ധം അ​ന്വേ​ഷി​ക്കാ​ൻ സ​ർ​ക്കാ​ർ തീ​രു​മാ​നം; വി​ശ​ദ അ​ന്വേ​ഷ​ണം ന​ട​ത്തു​ന്ന​ത് ​ഇന്‍റ​ർ​പോ​ളി​ന്‍റെ സ​ഹാ​യ​ത്തോ​ടെ​; ഇ​തു​സം​ബ​ന്ധി​ച്ച് ആ​ഭ്യ​ന്ത​ര​വ​കു​പ്പ് ഉ​ത്ത​ര​വ് പു​റ​ത്തി​റ​ക്കി

കൊ​ച്ചി: ക​ള​മ​ശ്ശേ​രി ഭീ​ക​രാ​ക്ര​മ​ണ​ക്കേ​സി​ലെ പ്ര​തി ഡൊ​മി​നി​ക് മാ​ർ​ട്ടി​ന്‍റെ വി​ദേ​ശ​ബ​ന്ധം അ​ന്വേ​ഷി​ക്കാ​ൻ സ​ർ​ക്കാ​ർ തീ​രു​മാ​നം. ഇ​ന്‍റ​ർ​പോ​ളി​ന്‍റെ സ​ഹാ​യ​ത്തോ​ടെ​യാ​ണ് വി​ശ​ദ അ​ന്വേ​ഷ​ണം ന​ട​ത്തു​ന്ന​ത്. ഇ​തു​സം​ബ​ന്ധി​ച്ച് ആ​ഭ്യ​ന്ത​ര​വ​കു​പ്പ് ഉ​ത്ത​ര​വ് പു​റ​ത്തി​റ​ക്കി.

സ്ഫോ​ട​ക​വ​സ്തു​ക്ക​ൾ ത​യാ​റാ​ക്കി​യ​തി​ന്‍റെ ചി​ത്ര​ങ്ങ​ൾ ഇ​യാ​ൾ ഒ​രു വി​ദേ​ശ ന​മ്പ​റി​ലേ​ക്ക് അ​യ​ച്ച​താ​യി ക​ണ്ടെ​ത്തി​യി​രു​ന്നു. ഇ​ത്​ കേ​ന്ദ്രീ​ക​രി​ച്ചാ​യി​രി​ക്കും പു​തി​യ അ​ന്വേ​ഷ​ണം. ന​മ്പ​ർ ദു​ബൈ​യി​ലു​ള്ള സു​ഹൃ​ത്തി​ന്‍റേ​താ​ണെ​ന്നാ​ണ്​ ഇ​യാ​ൾ ന​ൽ​കി​യ മൊ​ഴി. എ​ന്നാ​ല്‍, ന​മ്പ​റി​ന്റെ ഉ​ട​മ​യെ ക​ണ്ടെ​ത്താ​നാ​യി​ട്ടി​ല്ല. ഇ​തി​ല​ട​ക്കം വ്യ​ക്ത​ത​യാ​ണ് പു​തി​യ അ​ന്വേ​ഷ​ണ​ത്തി​ലൂ​ടെ ല​ക്ഷ്യ​മി​ടു​ന്ന​ത്.

ഈ ​ന​മ്പ​റി​ന്റെ ഉ​ട​മ​ക്ക് സ്‌​ഫോ​ട​ന​വു​മാ​യി ബ​ന്ധ​മു​ണ്ടെ​ങ്കി​ല്‍ കേ​സി​ല്‍ പ്ര​തി​ചേ​ര്‍ക്കും. ഇ​തോ​ടൊ​പ്പം ഇ​യാ​ൾ വി​ദേ​ശ​ത്ത് ജോ​ലി നോ​ക്കി​യി​രു​ന്ന കാ​ല​യ​ള​വി​ലേ​ത​ട​ക്ക​മു​ള്ള പ്ര​വ​ർ​ത്ത​ന​ങ്ങ​ളെ​ക്കു​റി​ച്ചും അ​ന്വേ​ഷ​ണം ന​ട​ത്തും. ഇ​ന്റ​ര്‍പോ​ളി​ന്റെ സ​ഹാ​യ​ത്തോ​ടെ അ​ന്വേ​ഷ​ണം ന​ട​ത്തി റി​പ്പോ​ര്‍ട്ട് കോ​ട​തി​യി​ല്‍ ന​ല്‍കും. പ​ത്തു​വ​ര്‍ഷ​ത്തോ​ളം ഡൊ​മി​നി​ക് മാ​ര്‍ട്ടി​ന്‍ ദു​ബൈ​യി​ലാ​യി​രു​ന്നു ജോ​ലി ചെ​യ്തി​രു​ന്ന​ത്.

2023 ഒ​ക്ടോ​ബ​ർ 29ന് ​രാ​വി​ലെ 9.38നാ​ണ് ക​ള​മ​ശ്ശേ​രി​യി​ലെ ക​ൺ​വെ​ൻ​ഷ​ൻ സെ​ന്‍റ​റി​ൽ യാ​ഹോ​വ സാ​ക്ഷി​ക​ളു​ടെ പ്രാ​ർ​ഥ​ന സ​മ്മേ​ള​നം ന​ട​ക്കു​ന്ന​തി​നി​ടെ സ്ഫോ​ട​നം ന​ട​ന്ന​ത്. മൂ​ന്നു​പേ​ർ സം​ഭ​വ​സ്ഥ​ല​ത്തും ഗു​രു​ത​ര പ​രി​ക്കേ​റ്റ അ​ഞ്ചു​പേ​ർ പി​ന്നീ​ട് ആ​ശു​പ​ത്രി​യി​ലു​മാ​ണ് മ​രി​ച്ച​ത്. പു​റ​മേ 60 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു.

കേ​സി​ൽ കു​റ്റം സ്വ​യം ഏ​റ്റെ​ടു​ത്ത് കീ​ഴ​ട​ങ്ങി​യ ഏ​ക പ്ര​തി​യാ​യ ഡൊ​മി​നി​ക് മാ​ർ​ട്ടി​നെ​തി​രെ ആ​ദ്യം സ​മ​ർ​പ്പി​ച്ച കു​റ്റ​പ​ത്ര​ത്തി​ൽ യു.​എ.​പി.​എ ചു​മ​ത്തി​യി​രു​ന്നെ​ങ്കി​ലും സം​സ്ഥാ​ന സ​ർ​ക്കാ​ർ വി​ചാ​ര​ണാ​നു​മ​തി നി​ഷേ​ധി​ച്ച​തോ​ടെ യു.​എ.​പി.​എ വ​കു​പ്പു​ക​ൾ ഒ​ഴി​വാ​ക്കി​യാ​ണ് കു​റ്റ​പ​ത്രം കോ​ട​തി​ക്ക് സ​മ​ർ​പ്പി​ച്ച​ത്. എ​ന്നാ​ൽ, ഗു​രു​ത​ര ആ​രോ​പ​ണ​ങ്ങ​ൾ ഉ​യ​ർ​ന്ന കേ​സി​ൽ പ്ര​തി​ക്കെ​തി​രെ യു.​എ.​പി.​എ ഒ​ഴി​വാ​ക്കി​യ​ത് വി​വാ​ദ​ങ്ങ​ൾ​ക്ക് വ​ഴി​വെ​ച്ചി​രു​ന്നു.

ഇ​തോ​ടൊ​പ്പം പ്ര​തി​യു​ടെ വി​ദേ​ശ​ബ​ന്ധ​ത്തെ സം​ബ​ന്ധി​ച്ചും കാ​ര്യ​ക്ഷ​മ​മാ​യ അ​ന്വേ​ഷ​ണം ന​ട​ന്നി​ല്ലെ​ന്ന ആ​ക്ഷേ​പ​വും ഉ​യ​ർ​ന്നി​രു​ന്നു. അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി പ്ര​തി മു​മ്പ് ജോ​ലി ചെ​യ്തി​രു​ന്ന ദു​ബൈ​യി​ലെ സ്ഥാ​പ​ന​ത്തി​ലെ ജീ​വ​ന​ക്കാ​രു​ടെ മൊ​ഴി​യെ​ടു​ത്തെ​ങ്കി​ലും മ​റ്റ് ദു​രൂ​ഹ​ത​ക​ളി​ല്ലെ​ന്ന നി​ല​പാ​ടി​ലാ​യി​രു​ന്നു അ​ന്വേ​ഷ​ണ​സം​ഘം.

കളമശ്ശേരി സ്ഫോടനം ഞെട്ടിക്കുന്നത്,സമഗ്രാന്വേഷണം വേണം;എസ്ഡിപിഐ സംസ്ഥാന പ്രസിഡൻ്റ് അഷ്‌റഫ് മൗലവി.

സ്വന്തം ലേഖിക

തിരുവനന്തപുരം: കളമശ്ശേരി സ്ഫോടനം ഞെട്ടിപ്പിക്കുന്നതാണെന്നും ഇതു സംബന്ധിച്ച് സമഗ്രാന്വേഷണം വേണമെന്നും എസ്ഡിപിഐ സംസ്ഥാന പ്രസിഡൻ്റ് മൂവാറ്റുപുഴ അഷ്റഫ് മൗലവി.

മുൻവിധിയില്ലാതെ സത്യസന്ധമായ അന്വേഷണം നടക്കണം. സംഭവത്തിൻ്റെ മറവിൽ വിദ്വേഷ പ്രചാരണങ്ങളും നുണപ്രചാരണങ്ങളും നടത്തുന്നവരെ നിയന്ത്രിക്കാനും നിയമത്തിനു മുമ്പിൽ കൊണ്ടുവരാനും സർക്കാരും പോലീസും തയ്യാറാവണം. കിംവദന്തികൾ പ്രചരിപ്പിച്ച് രാഷട്രീയ മുതലെടുപ്പിന് ശ്രമിക്കുന്നവരെ കരുതിയിരിക്കണം. അതീവ ഗൗരവമുള്ള സംഭവം അങ്ങേയറ്റം അപലപനീയമാണെന്നും മൂവാറ്റുപുഴ അഷ്റഫ് മൗലവി പറഞ്ഞു.